ދައުލަތުން ކުއްޔަށް ދޫކޮށްފައިވާ ބިންތަކުގެ އެގްރީމެންޓް އައުކުރުމުގެ ބާރު ކައުންސިލްތަކަށް!
ދައުލަތުން ކުއްޔަށް ދޫކޮށްފައިވާ ބިންތަކުގެ އެގްރީމެންޓް އައު ކުރުމުގެ ބާރު ކައުންސިލްތަކަށް މިއަދު ދީފިއެވެ. މިއީ ޕްލޭނިންގ މިނިސްޓްރީއަށް ކުރީން ދީފައި އޮންނަ ބާރެކެވެ.
ދިރިއުޅުމުގެ ބޭނުމަށް ނޫން އެހެނިހެން ބޭނުންތަކަށް ބިން ދޫކުރުމުގެ ގަވާއިދަށް އިސްލާހު ގެނެސް އިއްޔެ ވަނީ ގެޒެޓްކޮށްފައެވެ. އައު ގަވާއިދަށް ޕްލޭނިން މިނިސްޓްރީން ވަނީ އަށް އިސްލާހެއް ގެނެސްފައެވެ. އިސްލާހުތަކުގެ ތެރޭގައި ބިން ދޫކުރާނީ ރަށެއްގައި ނަމަ އެ ރަށެއްގެ ރަށު ކައުންސިލުން އަދި ސިޓީއެއްގައި ނަމަ އެ ސިޓީ ކައުންސިލުން ބިން ދޫކުރުމުގެ ބާރު ދިނުން ހިމެނެއެވެ. އަދި ކައުންސިލްތަކުގެ އިހްތިސޯސްގައި ނުހިމެނޭ ދައުލަތުގެ ބިންތައް ހަވާލުކުރާނީ ޕްލޭނިން މިނިސްޓްރީން ކަމުގައި ވެސް ގަވާއިދުގައި ބުނެފައިވެއެވެ.
މީގެ އިތުރުން ބިންތައް ދޫކުރަން ވާނީ ލޭންޑް ޔޫސް ޕްލޭން އެކުލަވައިލުމަށް ފަހު އެއާ އެއްގޮތަށް ކަމަށާއި ބިން ދޫކުރާ މުއްދަތު ކަނޑައަޅާނީ ވެސް ކައުންސިލްތަކުން ކަމަށް ވެސް ގަވައިދުގައިވެއެވެ.
ޙަތަރެސް ކަން ހަމަވީ