ވެންޓިލޭޓަރުތަކުގެ މައްސަލަ އަނެއްކާ ވެސް އަނބުރާ ފޮނުވައިލައިފި

ކޮވިޑް-19އާ ގުޅިގެން ހާލު ދެރަވާ ބަލިމީހުންނަށް ފަރުވާ ދިނުމަށް ގެންނަން އުޅުނު ވެންޓިލޭޓަރުތަކުގެ މައްސަލައިގައި ހެލްތު މިނިސްޓްރީން ޚިޔާނާތްތަކެއް ހިންގައިފައިވާކަމަށް ތުހުމަތު ކޮށްފައިވާ މައްސަލައިގައި، ދައުވާކުރުމަށް ހުށަހެޅި މައްސަލަ، ޕްރޮސެކިއުޓާ ޖެނެރަލް (ޕީޖީ) އޮފީހުން އަނެއްކާ ވެސް އަނބުރާ އޭސީސީއަށް ފޮނުވައިލައިފިއެވެ.

Ads by Sosun Fihaara

ޕީޖީ އޮފީހުގެ މީޑިއާ އޮފިޝަލް އަދި ޕަބްލިކް ޕްރޮސިކިއުޓާ ޖެނަރަލް އަހްމަދު ޝަފީއު ވިދާޅުވީ, ވެންޓިލޭޓަރުތަކުގެ މައްސަލަ އަނބުރާ ފޮނުވައިލައިފައި ވަނީ އިސްލާހް ކުރުމަށް ފަހު އަލުން ހުށަހެޅުމަށް ކަމަށެވެ.

ދުބާއީ ކުންފުންޏަކާ ވެންޓިލޭޓަރުތައް ގަތުމަށް ހަވާލު ކުރުމުގައި ކޮރަޕްޝަނަށް މަގުފަހިވާ ކަންތައްތަކެއް ހިމެނޭ ކަމަށް ތުހުމަތުކޮށް އޭސީސީން 11 މީހެއްގެ މައްޗަށް ދައުވާ ކޮށްދިނުމަށް އެދި ޕްރޮސެކިޔުޓާ ޖެނެރަލްގެ އޮފީހަށް ފޮނުވި މައްސަލައިގައި ދައުވާ ކުރެވޭ ވަރަށް ހެކި ނެތިގެން ދައުވާ ނުކުރަން ޕީޖީ އޮފީހުން ނިންމީ މިދިޔަ އަހަރުގެ އޮކްޓޯބަރު މަހުގެ 20 ވަނަ ދުވަހުއެވެ.