އޭސީސީގެ މެންބަރުން ވަކިކުރަން ފާސްކޮށްފި
އެންޓި ކޮރަޕްޝަން ކޮމިޝަން (އޭސީސީ)ގެ މެންބަރުން ވަކި ކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކޮށްފިއެވެ.
އޭސީސީގެ ޕާފޯމަންސް އޮޑިޓަށް ފަހު ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކުރީ އެ ކޮމިޝަންގެ ހުރިހާ މެންބަރުން ވަކި ކުރާށެވެ.
އެ ކޮމިޓީގެ މުގައްރިރު އަދި އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވީ، ކޮމިޓީން އެގޮތަށް ފާސްކުރީ އެންމެ މެންބަރެއް ފިޔަވައި ހުރިހާ މެންބަރުންގެ ތާއިދާއެކުގައި ކަމަށެވެ.
އޭސީސީގެ ހުރިހާ މެންބަރުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކުރީ އެ ކޮމިޝަންގެ މަސައްކަތް ބޭނުންވާ ސްޕީޑުގައި ކުރިއަށް ނުދާކަން ފާހަގަކޮށް، ކޮމިޓީއަށް ފެންނަ ނަމަ އޭސީސީގެ މެންބަރުން މަގާމުން ވަކިކުރުމުގެ މަރުހަލާތައް ފަށަން މިދިޔަ ނޮވެމްބަރު މަހު ނިންމި ފަހުންނެވެ.
ޙަމަ ތިހުރިހާ ގޮނޑި ކޮއްކޮތަށް އުވާލާ. ޕީޖީ ވެސް. ހުރުހާ ދިމާލަކަށް ކަލޭމެން އަތްބާނާ. ދެން އެމީހުން ކީއްކުރާނީ؟