އައްޑޫއިން ކޮވިޑްގެ އިތުރު މަރެއް

ކޮވިޑް-19 ޖެހިގެން އިތުރު މީހަކު ނިޔާވެއްޖެއެވެ.

Ads by STELCO

ކޮވިޑް ބަލީގައި ނިޔާވެފައި ވަނީ އުމުރުން 83 އަހަރުގެ ފިރިހެނެކެވެ. އޭނާ ނިޔާވީ އައްޑޫ ކޮވިޑް-19 ފެސިލިޓީގައި ފަރުވާ ދެމުން ދަނިކޮށެވެ.

މިއީ މި ބަލީގައި ރާއްޖެއިން ނިޔާވި 257 ވަނަ މީހާއެވެ.

ކޮވިޑް-19 އައްޑޫގައި ހަލުވި ކަމާއެކުދަނީ ފެތުރެމުންނެވެ. އެ ރަށް މޮނިޓަރިންގައި ހާލަތުގައި އޮންނަތާ މިހާރު 100 ދުވަހަށްވުރެ ގިނަ ދުވަސްވަނީ ވެފައެވެ. މިވަގުތު އައްޑޫގައި ކޮވިޑް-19 ޖެހިފައި ތިބި 165 މީހަކު އެބަ ތިއްބެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!