މެންބަރު ޖާބިރު ދޫކޮށްލައިފި
ކާށިދޫ ދާއިރާގެ މެންބަރު ޢަބްދުﷲ ޖާބިރު ބަންދުން ދޫކޮށްލައިފިއެވެ.
މަޢުލޫމާތު ލިބިފައިވާ ގޮތުގައި ޖާބިރު ދޫކޮށްލާފައި ވަނީ މީގެ އިރުކޮޅެއް ކުރިންނެވެ.
ޖާބިރު ހައްޔަރުކޮށްފައި ވަނީ މިއަދު ހެނދުނުގެ ވަގުތެއްގައި ގދ. އަތޮޅުގެ ފަޅު ރަށެއްގައި ހުންނަވަނިކޮށެވެ. ރައްޔިތުންގެ މަޖިލީހުގެ މެންބަރަކު ހައްޔަރުކޮށްފި ނަމަ އެކަން މަޖިލީހުގެ އިދާރާއަށް ރަސްމީކޮށް އަންގަން ދިވެހި ފުލުހުންގެ ޚިދުމަތުގެ މައްޗަށް ލާޒިމު ކުރެއެވެ.
މެންބަރު ޖާބިރު ހައްހަރުކުރިކަން މަޖިލީހުގެ އިދާރާއިން ވަނީ ކަށަވަރުކޮށްދެއްވައިފައެވެ.
ޖާބިރު ހައްޔަރުކޮށްފައި ވަނީ މިއަދު ސިވިލް ކޯޓުގައި އޮތް އަޑުއެހުމަށް އޭނާ ކޯޓު އަމުރެއްގެ ދަށުން، ބަންދުގައި ބަހައްޓައިގެން ކޯޓަށް ހާޒިރު ކުރުމަށް ފުލުހުންގެ މައްޗަށް ކުރި އަމުރަކާ ގުޅިގެންނެވެ.
މަޢުލޫމާތު ލިބިފައިވާ ގޮތުގައި ޖާބިރު ފަޅުރަށަކުން ހައްޔަރުކޮށް ފުލުހުންގެ ބެލުމުގެ ދަށަށް ގެންދިޔައީ، ގދ.ތިނަދޫއަށެވެ.
Ads by STO
