ލަންކާގެ މަސްބޯޓެއް އޮޔާދާތީ ސަމާލުވާން އެދިއްޖެ
ސްރީލަންކާގެ މަސް ބޯޓެއް ރާއްޖެ ސަރަހައްދުން އޮޔާދާތީ ދަތުރުކުރާ ފަރާތްތަކުން އެކަމަށް ސަމާލުވުމަށް އެމްއެންޑީއެފުން އެދިއްޖެއެވެ.
އެމްއެންޑީއެފުން ބުނީ ސްރީލަންކާއިން މަސްވެރިކަމަށް ނުކުމެ އުޅުނު މަސްބޯޓެއް ބަންޑުން ޖަހައިލައި، އޮޔާ ދާ ކަމަށް ލަފާކުރެވެނީ މާލެ އަތޮޅާއި ވ.އަތޮޅާ ދިމާލުން ކަމަށެވެ.
އެހެންކަމުން މި ސަރަޙައްދުން ދަތުރުކުރާ ފަރާތްތަކުން ސަމާލުވުމަށް އެމްއެންޑީއެފުން ވަނީ އިލްތިމާސްކޮށްފައެވެ. ޚާއްޞަގޮތެއްގައި ރޭގަނޑު ދަތުރުކުރާ ފަރާތްތަކުންް ޚާއްޞަ ސަމާލުކަމެއް ދެއްވުމަށް އެމްއެންޑީއެފުން އިލްތިމާސްކުރެއެވެ.
ދާދި ފަހުން ރ.މާމުނަގައު ރިސޯޓްގެ ސީޕްލޭން ޖައްސާ ފްލޯޓިންގ ޕްލެޓްފޯމް ކަނޑައިގެންގޮސް ރިސޯޓްގެ ހުޅަނގުދެކުނު ފަރާތަށް އޮޔާދާތީ އެ ސަރަހައްދުން ދަތުރުކުރާއިރު ޚާއްޞަ ސަމާލުކަމެއް ދެއްވުމަށް ވެސް އެމްއެންޑީއެފުން ވަނީ އަންގައިފައެވެ.
