އަދާލަތުން ތާއީދުކުރާ ކެނޑިޑޭޓު އަންނަ ހަފްތާގައި އިއުލާނު ކުރާނެ: އަލީ ނަޒީރު
ރައްޔިތުންގެ މަޖިލީހުގެ ހުސްވެފައިވާ ކޮމަންޑޫ ދާއިރާގެ ގޮނޑިއަަށް ވާދަކުރައްވާ ފަރާތްތަކުގެ ތެރެއިން، ސަރުކާރު ކޯލިޝަންގައި ހިމެނޭ އަދާލަތު ޕާޓީން ތާއީދު ކުރާނެ ކެންޑިޑޭޓު އިއުލާނު ކުރާނީ އަންނަ ހަފްތާގައި ކަމަށް އެ ޕާޓީން މިއަދު ބުނެފިއެވެ.
އަންނަ މަހުގެ 5 ވަނަ ދުވަހު ބޭއްވުމަށް ހަމަޖެހިފައިވާ އެ ދާއިރާގެ ބައި އިލެކްޝަންގައި ވާދަ ކުރައްވަނީ ވެރިކަން ކުރާ އެމްޑީޕީގެ ފަރާތުން މުޙައްމަދު ރާޝިދާއި، އިދިކޮޅު ޕީޕީއެމްގެ ފަރާތުން މޫސާ ފަތުހީގެ އިތުރުން އަލަށް އުފެއްދި އެމްއެންޕީގެ ފަރާތުން ޢަބްދުލްހަންނާން އިދުރީސްއެވެ.
ބައި-އިލެކްޝަންގެ ދުވަސް ކައިރިވަމުން ދާއިރު، އެހެން ސިޔާސީ ޕާޓީތަކުން ތާއީދު ކުރާނެ ކެންޑިޑޭޓަކާ މެދު ދަނީ ސުވާލު އުފެދެމުންނެވެ. އެގޮތުން ސަރުކާރު ކޯލިޝަންގައި ހިމެނޭ އަދާލަތު ޕާޓީއާއި އެމްއާރްއެމް އަދި ޖުމްހޫރީ ޕާޓީގެ ވިސްނުމާ ގުޅޭގޮތުން ވަނީ ސުވާލު އުފެދިފައެވެ.
މިކަމާ ގުޅޭ ގޮތުން އަދާލަތު ޕާޓީގެ ތަރުޖަމާނު އަލީ ނަޒީރު މިއަދު ކުރެއްވި ޓްވީޓެއްގައި ވިދާޅުވީ، ކޮމަންޑޫ ދާއިރާގެ ބައި-އިލެކްޝަންގައި އެ ޕާޓީއިން ކެންޑިޑޭޓަކު ނެރެފައި ނުވި ނަމަވެސް އެ ދާއިރާއަކީ އަދާލަތުގެ މެންބަރުން އެކަށީގެންވާ އަދަދަކަށް ތިބި ދާއިރާއެއް ކަމަށެވެ.
"..ބައި-އިލެކްޝަންގައި އަދާލަތު ޕާޓީން ތާއީދު ކުރާ ކެނޑިޑޭޓު ކުރިއަށް އޮތް ހަފްތާގައި އަންގައި އިއުލާނު ކުރާނެ" ނަޒީރު ވިދާޅުވެފައިވެއެވެ.
ކޮމަންޑޫ ދާއިރާގެ ގޮނޑި ހުސްވެ، ބައި އިލެކްޝަނެއް ބާއްވަނީ އެ ދާއިރާ ތަމްސީލުކުރެއްވި އެމްޑީޕީގެ މެމްބަރު ޙުސެއިން ވަހީދު އަވަހާރަވުމުންނެވެ.
ކޮމަންޑޫ ދާއިރާގައި ހިމެނެނީ ކޮމަންޑުއާއި ފޯކައިދޫގެ އިތުރުން މަރޮށްޓެވެ.
ޢެމްޑީ ޕީއަށް