ރާއްޖޭގައި މަރަށް މަރު ހިފަން ކެރޭ ސަރުކާރެއް އުފައްދާނަން: އުމަރު
ދިވެހިރާއްޖޭގައި މަރަށް މަރު ހިފަން ކެރޭ ސަރުކާރެއް އުފައްދަވާނެކަމަށް ކުރިއަށް އޮތް ރިޔާސީ އިންތިހާބުގައި ވާދަކުރައްވާނެކަން އިއުލާނު ކުރައްވައިފައިވާ، ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
ކުރީގެ ރައީސް ޔާމީންގެ ވެރިކަމުގައި ވެސް ގިސާސް ހިފުމަށް މަސައްކަތްތަކެއް ކުރެވުނެވެ. އޭރު އެކަމުގައި އިސްކޮށް އުޅުއްވީ ހޯމް މިނިސްޓަރުގެ މަގާމުގައި ހުންނެވި އުމަރެވެ.
ފޭސްބުކްގައި ކުރެއްވި ޕޯސްޓެއްގައި އުމަރު ވިދާޅުވީ އިއްޔެއަކީ ރާއްޖޭގައި ގިސާސް ހިފުމަށް ޓަކައި އެކަމުގެ ތައްޔާރީތައް ކުރުމަށް ހޯމް މިނިސްޓަރުގެ ހައިސިއްޔަތުން އޭނާ އަމުރު ކުރެއްވިތާ 8 އަހަރު ފުރުނު ދުވަސް ކަމަށެވެ.
ފުރާނައެއް ދުއްވައިލާ މީހާ، ގިސާސް ނުހިފާ ޖަލަށް ލުމަކީ ދައުލަތަކަށް ލިބިގެންވާ ހައްގެއް ނޫން ކަމަށް ވެސް އޭނާ ވިދާޅުވިއެވެ.
"އެއީ މަރުވި މީހާގެ އާއިލާގެ ހައްގެއް. މިއީ އަދުލުވެރިކަން ގާއިމު ކުރުމަށް ޓަކައި ދައުލަތުގެ ފަރާތުން ތަންފީޒު ކޮށްދޭން ޖެހޭ ހުކުމެއް." އުމަރުގެ ޕޯސްޓުގައިވެއެވެ.
މީގެ އިތުރުން އޭނާ ވިދާޅުވީ ގިސާސްއަކީ އެކަމުގައި ދިރުމެއްވާ ކަމެއް ކަމަށެވެ.
ބެކުބޯނު ދުއްވާލާ މީހުންނައް އަދަބުދެވޭވަރުގެ ސަރުކާރެއް އުފެއްދުން އުމަރައް މާމުހިންމު