މޫސަ އެމްއާރްއެމަށް: އެމްޑީޕީއަށް ގޮނޑި ނުދޭން އުޅެނީ ކޯލިޝަނުން ބޭރު ކުރޭތޯތަ؟
މޯލްޑިވްސް ރިފޯމް މޫވްމަންޓް(އެމްއާރްއެމް)އިން އުޅެނީ ސަރުކާރު ކޯލިޝަނުން ބޭރު ނުކޮށްގެންތޯ، އެމްޑީޕީގެ ކުރީގެ ޗެއާޕާސަން އަދި ރައްޔިތުންގެ މަޖިލީހުގެ ކުރީގެ ނައިބު ރައީސް މޫސާ މަނިކު ސުވާލު ކުރައްވައިފިއެވެ.
އަންނަ މަހުގެ ފަސްވަނަ ދުވަހު ބާއްވާ ރައްޔިތުންގެ މަޖިލީހުގެ ށ.ކޮމަންޑޫ ދާއިރާގެ ބައި-އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓް މުހައްމަދު ރާޝިދަށް ތާއީދު ނުކުރުމަށް އެމްއާރްއެމްއިން ވަނީ ނިންމައިފައެވެ. އެޕާޓީން މިގޮތަށް ނިންމިއިރު، ސަރުކާރު ކޯލިޝަނުގައި ހިމެނޭ އެހެން ޕާޓީތަކުން ވަނީ އެމްޑީޕީގެ ކެންޑިޑޭޓަށް ތާއީދު ކުރަން ނިންމައިފައެވެ.
"ދެން"އިން ސުވާލު ކުރުމުން އެމްއާރްއެމުން ބުނީ އެޕާޓީން އެދެނީ ރައްޔިތުން ބޭނުންވާ ގޮތަކަށް މި އިންތިހާބުގައި ވޯޓު ދިނުން ކަމަށާއި، ވަކި ކެނޑިޑޭޓަކަށް ތާއީދު ނުކުރި ނަމަވެސް، އެޕާޓީ އޮތީ ސަރުކާރާ އެކުގައި ކަަމަށެވެ.
އެމްއާރްއެމަށް ފާޑު ވިދާޅުވެ މޫސަ މިއަދު ކުރެއްވި ޓްވީޓެއްގައި ވިދާޅުވީ ރައީސް ޞާލިޙަކީ ކޯލިޝަން ދަމަހައްޓަވާ ވެރިއެއް ކަމަށެވެ. އަދި ކޮމަންޑޫ ދާއިރާގެ ގޮނޑި ސަރުކާރަށް މުހިންމު ވެގެން އުޅޭއިރު، އެމްއާރްއެމުން، އެމްޑީޕީގެ ކެންޑިޑޭޓަށް ތާއީދު ނުކުރަން ނިންމީ، ކޯލިޝަނުން ބޭރު ކުރޭތޯ ވެސް އޭނާ އެއްސެވިއެވެ.
މޫސަ މީގެ ކުރިން ކުރެއްވި ޓްވީޓެއްގައި ވެސް ވަނީ އެމްއާރްއެމްއިން 2023ވަނަ އަހަރުގެ ރިޔާސީ އިންތިހާބުގައި ވާދަ ކުރަން ނިންމީތޯ ވެސް އައްސަވައިފައެވެ.
ރީކޯ މޫސަ އަކީ މިހާރު ބޯގުނާ މީހެއް ނޫން. އުޅެން ނޭނގުނު މޮޔައެއް މޫސާ މަނިކު ނޫނީ ނެތް. ދެން ލަލަލާ
ކޮހުންނަކަށްް ދުވަހަކުވެސްް އެއްޗެއްް ނުފިލާނެ ގޮނޑިދެނީީ ރައްޔިތުންް! އެއީީ ވަކިޕާޓީީ އަކުންް ދިއްކޮށްލާާ އެއްޗެއްް ނޫން!