މަޙްލޫފު މައްސަލަ މިމަހު 10ގައި ފަށަނީ
އެމްއެމްޕީއާރުސީގެ ޚިޔާނާތުގެ މައްސަލައިގައި ރިޝްވަތު ހިފި ކަމަށް ތުހުމަތުކޮށް ޔޫތު މިނިސްޓަރު އަހުމަދު މަހްލޫފްގެ މައްޗަށް ދައުލަތުން އުފުލައިފައިވާ ދައުވާގެ ޝަރީއަތް މިމަހުގެ 10ވަނަ ދުވަހު ފެށުމަށް ކްރިމިނަލް ކޯޓުގައި ތާވަލްކޮށްފިއެވެ.
މި މައްސަލައިގެ ފުރަތަމަ އަަޑު އެހުން މިހާރު ތާވަލްކޮށްފައި ވަނީ މި މަހު 10ވަނަ ދުވަހު 1:30އަށެވެ.
މިމައްސަލައިގެ ފުރަތަމަ އަޑުއެހުން މިދިޔަ މަހުގެ 19 ވަނަ ދުވަހު ބޭއްވުމަށް ތާވަލްކުރި ނަމަވެސް ކޮވިޑް-19ގެ ހާލަތާ ގުޅިގެން ވަނީ އެ ދުވަހުގެ އަޑުއެހުން ކެންސަލް ކޮށްފައެވެ.
ކްރިމިނަލް ކޯޓުން މިއަދު ވިދާޅުވީ މި މައްސަލައަކީ ހުރިހާ ފަރާތްތަކެއް ކޯޓަށް ހާޒިރުކޮށްގެން ކުރިއަށް ގެންދަން ނިންމައިފައިވާ މައްސަލައަކަށްވީއިރު، މި މައްސަލަ ބަލާ ސެކްޝަނުގައި ހުންނަ ކޯޓު އޮފިސަރު މީގެ ކުރިން ކޮވިޑް-19އަށް ފައްސިވެފައިވާ ކަމަށާއި މިހާރު ބަލިން ފަސޭހަ އޮފީހަށް ނިކުންނަން ފަށައިފައިވާ ކަމަށެވެ.
މައްސަލައިގެ ބާވަތުން މިއީ ގިނަ ނޫސްވެރިން ވެސް ވަންނަން ބޭނުންވާ މައްސަލައެއް ކަމުން ކޯޓު ރޫމް މެނޭޖް ކުރުމަށް ހުންނަ އޮފިސަރު ބަލިން ފަސޭހަވެފައި ވާތީ މި މައްސަލަ ފެށުމަށް އަލުން ތާވަލުކޮށްފައިވާ ކަމަށް ވެސް ކްރިމިނަލް ކޯޓުން ވިދާޅުވިއެވެ.
އަޅެފަހެ ތިމަޚުލޫފުގެ މައްސަލަތިއީކުޅެކުޅޭ ކުޅިވަރެއްތަ؟
ޟިސަރުކާރުން ހަވާހަޑި މިހިރަ ފެންނަނީ ކޮޓުތަކުގެވެސް ހުރުމަތްވެސްގެއްލި މިދަނީ. ޥަރަށް ސަޅި