ކޮވިޑާ ގުޅިގެން އައިޖީއެމްއެޗްގެ ބައެއް ހިދުމަތްތައް ޑައުންގްރޭޑްކޮށްފި
ރާއްޖޭގައި މިވަގުތު ހަލުވިކަމާ އެކު ކޮވިޑް-19 ފެތުރެމުންދިޔުމާ ގުޅިގެން، މިވަގުތުގެ ހާލަތަށް ރިއާޔަތްކޮށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގެ ބައެއް ޚިދުމަތްތައް ޑައުންގްރޭޑްކޮށްފިއެވެ.
މިކަމާ ގުޅިގެން އެ ހޮސްޕިޓަލުން މިއަދު ނެރުނު ބަޔާނެއްގައި ބުނެފައި ވަނީ، 22 ޖަނަވަރީ 2022އިން ފެށިގެން 2 ހަފްތާއަށް ރޫޓިން (ދުރާލާ ތާވަލުކޮށްގެން ހަދާ) ސަރޖަރީތައް އެ ހޮސްޕިޓަލުން ވަނީ މެދުކަނޑައިލައިފައި ކަމަށެވެ.
ނަމަވެސް 06 ފެބްރުއަރީ 2022އިން ފެށިގެން ރޫޓީން ސަރޖަރީތަކުގެ ތެރެއިން ބައެއް ސަރޖަރީތައް ކުރިއެކޭ ވެސް އެއްފަދައިން ކުރުމަށް އައިޖީއެމްއެޗްއިން ނިންމައިފައިވާ ވާހަކަ ކަމަށާއި އެ ހޮސްޕިޓަލުގެ އިމަރޖެންސީ (އީ.އާރް) ޚިދުމަތްތައް 24 ގަޑިއިރު މެދުކެނޑުމެއްނެތި ކުރިއަށްދާނެ ކަމަށް ވެސް ބުނެފައިވެއެވެ.
އައިޖީއެމްއެޗްއިން މިއަދު އިތުރަށް ބުނީ، އެ ހޮސްޕިޓަލުގެ އޯޕީޑީ ހިދުމަތް މާދަމާ ބަންދުވާނެ ކަމަށެވެ.
