ރިޔާސީ ބަޔާނުން އެންމެ އުފާވެރި ޚަބަރު ލިބުނީ މުދައްރިސުންނަށް: ރޮޒައިނާ
ރައްޔިތުންގެ މަޖިލީހުގެ މި ދައުރުގެ މަސައްކަތް ފެށުމަށް ޓަަކައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް އިއްވެވި ރިޔާސީ ބަޔާނުން އެންމެ އުފާވެރި ޚަބަރު ލިބުނީ މުދައްރިސުންނަށް ކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
މިއަދު އިއްވެވި ރިޔާސީ ބަޔާނުގައި ރައީސް ޞާލިޙް ވިދާޅުވީ، ދިވެހި މުދައްރިސުންގެ މުސާރަ ގުޅިފައި ވަނީ ދިވެހިރާއްޖޭގެ ތަރައްގީއާ ކަމަށާއި މުދައްރިސުންގެ އުޖޫރަ ބޮޑު ކޮށްދޭނެކަމަށެވެ.
ރައީސް ޞާލިޙް ވިދާޅުވީ، އަންނަ މެއި މަހުން ފެށިގެން ޓީޗަރުންގެ މުސާރަ ބޮޑު ކޮށްދޭނެ ކަމަށެވެ. އެގޮތުން ގުރެޖުއޭޓް ލެވެލްގެ ސެކަންޑަރީ ޓީޗަރެއްގެ މުސާރަ އިތުރުގަޑި ނުލާ 12،628 ރުފިޔާއިން 19،740 ރުފިޔާއަށް ބޮޑުވެގެންދާނެ ކަމަށް ރައީސް ވިދާޅުވިއެވެ.
މިކަމާ ގުޅިގެން މެމްބަރު ރޮޒައިނާ މިއަދު ކުރެއްވި ޓްވީޓެއްގައި ވިދާޅުވީ މެއި މަހާ ހިސާބުގައި 50%އަށް ވުރެ އިތުރަށް ބޮޑުވާނެ ވާހަކައަކީ ވަރަށް ދުވަސް ވަންދެން އުންމީދު ކުރި ކަމެއް ކަމަށެވެ.
ރައީސް ޞާލިޙް މިއަދު ވިދާޅުވީ، ގައުމު ބިނާކުރުމުގެ އެންމެ ބުރަ މަސްއޫލިއްޔަތު އަދާކުރަނީ ދަރިން ބިނާކުރާ އެދުރުން ކަމަށާއި އެމީހުންނަށް އެކަށީގެންވާ އުޖޫރައެއް ލިބިދިނުމަކީ ވައުދެއް ކަމަށެވެ.
ތީ މުޅީން ވެސް 2023 އަށް ކުރާ ކެންޕިއަން، އަދި ތިއަށްވުރެވެސް ބޮޑެތި ކަރާތައް ފަޅާނެ، އުޑުގާ ހުރިއްޔާ ހުރި ތަރިއެއްވެސް ބާލާނެ، ތީ 22018 ގަ ގޮވި ގޮވެލި ފައްޗެއް، އަނެއްކާ ވެސް ގޮވަން ފެށީ،
މިހާރު އެހުރީ ފަހުންފުރާ ބޮޑުރިޔާ ނަގާފަ ރިޔަލުގާ ވައިއަޅުވާ ދުއްވާލީމާ ބޮޑުރިޔްލަށް އޮކުނުވެގެން އޮޑިގަނޑު މާކަނޑު މެދަށް ބަންޑުން ޖަހާތަން ފެންނާނީ، ކައްޕިތާނާ ފަޅުވެރީންނާއެކު ފެހުރިހި އަރާ ކާލައިގެން ދާނީ އަޑިއަށް،
މިނާގާބިލު ސަރުކާރަށް ބުނެލަން ބޭނުން ވަނީ،
” ދެވިދާނެކަމަށް ގައިމުނުވާ ފަރަކުމަތީން ދާންް
ނެވިކަން އޮތަކަސް ލިބިމަކޮޔާ އޮޑި ނުނަގާނދޭ “
ކަލެއާއި ކަލޭގެ ކާފައާ ފެމީހުންނޯ އެންމެ އުފާވެގެން އުޅެނީ! ދޮގެއްތަ؟