ކޮމަންޑޫގައި ރައީސް ނަޝީދު ވާހަކަފުޅު ދައްކަވަނިކޮށް ލައިވް ކަނޑައިލައިފި
ކޮމަންޑޫ ދާއިރާގެ ބައި-އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓް މުހައްމަދު ރާޝިދަށް ކެންޕެއިން ކުރުމަށް އެ ރަށުގައި ބޭއްވި ޖަލްސާގައި، މަޖިލީހުގެ ރައީސް، ރައީސް މުޙައްމަދު ނަޝީދުގެ ވާހަކަފުޅު ކުރިޔަށް ގެންދަނިކޮށް، ލައިވް ކަނޑައިލައިފިއެވެ.
އެމްޑީޕީގެ އިވެންޓްތަކާއި ޖަލްސާތައް ގެނެސްދޭ ރާއްޖެ ޓީވީއިން ގެނެސް ދިން ލައިވް، ރައީސް މުޙައްމަދު ނަޝީދުގެ ވާހަކަފުޅު ފެއްޓެވި އިރަށް ވަނީ މެދު ކަނޑައިލައިފައެވެ. ލައިވް މެދު ކަނޑާލުމަށް ފަހު، ރާއްޖެ ޓީވީއިން ގެނެސްދީފައިވަނީ، ރައީސް ޞާލިޙްގެ މިއަދުގެ ރިޔާސީ ބަޔާނާ ގުޅޭ ގޮތުން ކުރިޔަށް ދިޔަ ޕްރޮގްރާމެކެވެ.
އެމްޑީޕީގެ ކެންޕެއިން ޖަލްސާގައި، ރައީސް ނަޝީދުގެ ކުރިން، ރައީސް ޞާލިޙް އަދި ޖުމްހޫރީ ޕާޓީގެ ލީޑަރު ވެސް ވަނީ ވާހަކަފުޅު ދައްކަވައިފައެވެ.
އެމްޑީޕީ ފޭސްބުކް ޕޭޖުން ވެސް މި ޖަލްސާ ލައިވް ކުރިއިރު، ރައީސް ނަޝީދުގެ ވާހަކަފުޅާ ހަމައިން އަޑު ކެނޑުނެވެ.
ސޯޝަލް މީޑިއާގައި ޚިޔާލު ފާޅު ކުރަމުންދާ ފަރާތްތަކުން ބުނެފައި ވަނީ، މިއީ ކޮމަންޑޫ ދާއިރާގެ އިންތިޚާބަށް ރައީސް ނަޝީދު ދައްކަވާ ވާހަކަފުޅުން ނޭދެވޭ އަސަރުކޮށްފާނެތީ، ރޭވިގެން ކުރި ކަމެއް ކަމަށެވެ. އަނެއް ބަޔަކު ޤަބޫލު ކުރާ ގޮތުގައި، މިއީ ޓެކްނިކަލް މައްސަލައެކެވެ.
ލައިވްކެނޑިއަސްނަޝީދުވަރެށްނެތް
އާން އެވަރުގެ ލާދީނީ މުރުތައްދެއް ނެތް މި ފަސްގަނޑަކު
އެއީީ ސޯލިހުގެެ ކުރިމަތީގައިި ނަސީދުގެެ ހައިސިއްޔަތުު ނަސީދައްް މާރަގަޅައްް އެގޭނެ
ރަނގަޅު ތިމީހާގެ ވާހަކަ އަހާމީހަކު މިހާރު ނޫޅޭނެ، އޭގެ އިތުރުން މިސަރުކާރު މޮޔަ ގޮވާ އަޑު އަހަން މިހާރު މީހުން ބޭނުމެއް ނުވޭ، ތިތަންތަނަށް މީހުން ދަނީވސް ދުނިޔެއަށް ލަދުން.