ޔޫކްރެއިންގެ ރައީސް ދައްކަވާ ހިތްވަރަށް ރައީސް ނަޝީދުގެ ތައުރީފް
ރަޝިއާއިން ޔޫކްރެއިންއަށް ދެމުންދާ އުދުވާނީ ހަމަލާތަކަށް ޔޫކްރެއިންގެ ރައީސް ލަޑިމިއަރ ޒެލެންސްކީ ދައްކަވާ ހިތްވަރަށް ރައްޔިތުންގެ ރައީސް މުހައްމަދު ނަޝީދު ތަޢުރީފް ކުރައްވައިފިއެވެ.
ޔޫކްރެއިންގެ ވެރިރަށް ކިޔޭވް ހިފުމަށް ރަޝިއާގެ ހަނގުރާމަވެރިން މިހާރު ހަމަލާ ދޭން ފަށައިފައިވާ އިރު، އެގައުމު ދޫކޮށް ދިއުމަށް އެމެރިކާއިން ޔޫކުރެއިންގެ ރައީސް ޒެލެންސްކީއަށް ދައުވަތު ދިނެވެ.
ނަމަވެސް އެ ދައުވަތު ރައީސް ޒެލެންސްކި ޤަބޫލު ނުކުރެއްވި ކަމަށާއި ޤައުމު ދޫކޮށްފައި ނުދާނެ ކަމަށް ވިދާޅުވިކަމަށް އެމެރިކާގެ ބައެއް މީޑިއާތަކުން ވަނީ ރިޕޯޓު ކޮށްފައެވެ.
މި ހާލަތުގައި ވެސް ޔޫކްރެއިންގެ ރައީސް ދައްކަވާ ހިތްވަރަށް ތައުރީފު ކުރައްވައި ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ ޔޫކްރެއިންގެ ރައްޔިތުންގެ ހައްގުގައި ޒެލެންސްކީ ދައްކަވަމުންދާ ސާބިތުކަމަށް ތަޢުރީފް ހައްގުކަމަށެވެ.
ޔޫކުރެއިން ދޫކޮށް ދިއުމަށް ޒެލެންސްކީއަށް އެހީތެރިކަން ފޯރުކޮށްދިނުމަށް އެމެރިކާ އޮތީ ތައްޔާރަށް ކަމަށް، ޔޫކުރެއިންއާއި އެމެރިކާގެ އޮފިޝަލުންނާ ހަވާލާދީ ވޮޝިންގްޓަން ޕޯސްޓުގައި ރިޕޯޓު ކޮށްފައިވެއެވެ.
ރަޝިޔާއާއި މާދުރުގައިވާ ދުނިޔޭގެ ބޮޑުފިތުނަ އެމެރިކާގެ މަޅީގައި ޔުކުރޭނު ޖެހުނީމާ ހަނގުރާމައާ ކުރިމަތިވީ ހަމައެގޮތަށް ދިވެހިރަައްޖެ ވެސް މިވަނީ އިންޑިއާަގެ މޯދީގެ މަޅީގައި ޖެހިފައި ކަމެއް ދިމާވީމާ އެހީވާނެ ގައުމެއް ނުވާނެ އޭގެނަމޫނާ މިހާރު ޔުކުރޭނުން ފެންނަނީ ފިތުނަ އެމެރިކާ މިހާރުއެއޮތީ ޔުކުރޭނު ފުނޑިގެންދާއިރު ކުޅިބަލާން ވަރަށް ވަރަށްސަަފް އހެންނު
ބަލަ މަނިކުފާނައްވެސް އެވަރުގެ ޝަރަފެއް ލިބެން އުޅުނުކަހަލަ އެކަމު އެފުރުސަތު ގެއްލުވާލީ މަނިކުފާނުގެ އަމިއްލަ އަތުން ދޯ!