"ކުރާ މަސައްކަތް އާންމު މެމްބަރުން ބަަަލައިގަންނަ މިންވަރު އިހްސާސް ކުރެވޭ"
މޯލްޑިވިއަން ޑިމޮކްރެޓިކް ޕާޓީ(އެމްޑީޕީ)ގެ އާންމު މެމްބަރުން، އޭނާގެ މަސައްކަތް ބަލައިގަންނަ މިންވަރު އިހުސާސް ކުރެވޭ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ ރޮޒައިނާ އާދަމް ވިދާޅުވެއްޖެއެވެ.
އަންނަ މަހުގެ 16ވަނަ ދުވަހު ބާއްވާ އެމްޑީޕީގެ އެތެރޭގެ އިންތިހާބުގައި، ރޮޒައިނާ ވާދަ ކުރައްވަނީ އެޕާޓީގެ އަންހެނުންގެ ރޫހުގެ ރައީސް ކަމަށެވެ. "ހިންގާލުން" މިނަމުގައި ރޮޒައިނާގެ ކެމްޕެއިން ލޯންޗު ކުރުމަށް ށ.މިލަންދޫއަށް ވަޑައިގަތުމުން، އެރަށުގެ އެމްޑީޕީގެ މެމްބަރުންގެ ފަރާތުން އޭނާއަށާއި ކެމްޕެއިން ޓީމަށް ހޫނު މަރުހަބާއެއް ވަނީ ކިޔައިފައެވެ.
މިކަން ފާހަގަކުރައްވައި ރޮޒައިނާ ވިދާޅުވީ ރަށްރަަށަށް ވަޑައިގަތުމުން އެމްޑީޕީގެ ލޮބުވެތި މެމްބަރުން އޭނާއަށް ދޭ ލޯތްބާއި އިހްތިރާމްގެ ސަބަބުން، އޭނާގެ ހިތް އުފާވެރިކަމާ ޝުކުރުން ފުރިގެން ބަންޑުންވާ ކަމަށެވެ.
"ޕާޓީގެ އާންމު މެމްބަރުން އަޅުގަނޑުގެ މަސައްކަތް ބަލައިގަންނަވަރު އިހްސާސްވޭ." އޭނާ ވިދާޅުވިއެވެ.
އެމްޑީޕީގެ އަންހެނުންގެ ރޫހުގެ ރައީސާ ކަމަށް ރޮޒައިނާގެ އިތުރުން ވާދަ ކުރައްވަނީ ސަފާތު އަހުމަދު ޒާހިރެވެ. މީގެ ކުރިން އެމްޑީޕީގެ އަންހެނުންގެ ރޫހުގެ ރައީސާގެ މަގާމުގައި ހުންނެވީ މާލޭ ސިޓީގެ ކުރީގެ މޭޔަރު ސިފާ މުޙައްމަދެވެ.
