މަޖިލީހުގެ ރައީސަށްއަންހެނުންގެ ދުވަހުގެ ޝިއާރު އޮޅިވަޑައިގެންފި
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް މި އަހަރުގެ އަންހެނުންގެ ދުވަހުގެ ޝިއާރު އޮޅިވަޑައިގެންފިއެވެ.
މަޖިލީހުގެ މިއަދުގެ ޖަލްސާ ފައްޓަވައި ދެއްވައި ވާހަކަ ދައްކަވަމުން ރައީސް ނަޝީދު ވިދާޅުވީ މިއަހަރުގެ ޝިއާރަކީ މޫސުމަށް އަންނަ ބަދަލުތަކުގެ ސަބަބުން ދިމާވެދާނެ ކަންތައްތަކާ ގުޅޭ ގޮތުން އަޅުގަނޑުމެންގެ ވިސްނުން ބެހެއްޓުން ކަމަށެވެ.
ރައީސް ނަޝީދު މިފަދައިން ވިދާޅުވި އިރު، މިއަހަރުގެ އަންހެނުންގެ ދުވަހުގެ ޝިއާރަކީ"ޖެންޑާ އީކުއަލިޓީ ޓުޑޭ ފޯ އަ ސަސްޓެއިނަބަލް ޓުމޯރޯ"އެވެ.
މި ދުވަސް ފާހަގަކުރާއިރު ހޭޝްޓެގްގެ ގޮތުގައި "ޖެނެރޭޝަން އިކުއަލިޓީ" އަދި "އައިޑަބްލިއުޑީ2022 " ބޭނުންކުރުމަށް ޖެންޑަރ މިނިސްޓްރީން ވަނީ އެދިފައެވެ.
މިއަދުގެ ޖަލްސާގައި ރައީސް ނަޝީދު ވިދާޅުވީ މަޖިލީހުގެ މެމްބަރުންގެ ގޮތުގައި ތިއްބަވާ އަންހެނުންގެ އަދަދު ގިނަ ކުރުމަކީ އުއްމީދެއް ކަމަށެވެ. އެ މަނިކުފާނު ވިދާޅުވި ގޮތުގައި ލާމަރުކަޒީ ގާނޫނަށް ގެނެވުނު ބަދަލާ އެކު ރަށްރަށް ހިންގުމުގައި ވަރަށް ބޮޑަށް އަންހެނުން ބައިވެރި ކުރެވިއްޖެއެވެ. މީގެ އިތުރުން އެމަނިކުފާނު ވަނީ ކަނބަލުން ފަދަ ބަސްތައް ބޭނުން ކުރުމުގެ ބަދަލުގައި، "އަންހެނުން" ނުވަތަ "އަންހެން ބޭފުޅުން" ފަދަ އާންމުކޮށް ބޭނުން ކުރާ ބަސްތައް ބޭނުން ކުރުމަށް އެދިވަޑައިގެންފައެވެ.
މިއަދު އަންހެނުންގެ ދުވަސް ފާހަގަކުރާއިރު މަރުހަބާ ކިޔުމަށް ރަތް ދޫލަ އެޅުމާއި، މާބޮނޑި، ފިނިފެންމާ އަދި ޗޮކުލެޓް ފަދަ ތަކެތި ހަދިޔާއަށް ނުދިނުމަށް ޖެންޑަރއިން ވަނީ އެދިފައެވެ. މީގެ އިތުރުން އަންހެނުންނަށް ހާއްސަ ކުލަތަކުގެ ގޮތުގައި މުޖުތަމައުން ދެކޭ ކުލަތައް (މިސާލަކަށް ފިޔާތޮށި ކުލަ) ފަދަ ކުލަތައް ބޭނުން ނުކުރުމަށާއި، ކޭކާއި ބަދިގޭ ސާމާނު ފަދަ ތަކެތި ހަދިޔާއަށް ނުދިނުމަށްވެސް މިނިސްޓްރީން ވަނީ ބާރު އަޅައިފައެވެ.
މިކަހަލަ ބުރާންޗަކަށް ކަލޭމެން ތިތެޅިއަރުވަނީ ވެރިކަން ދޭން.
މިހާރުވެސް އެހުންނެވީ ވާނުވާގަ.
އޮންނަހައި ކަމަމަކައް ނުފޫޒުފޯރުވައިގެން މުޅި ޤަވްމު ދަސާދަ ކުރަން އުޅޭ މީހެއްތީ. އެގޭކަމެއް ވެސް ނޭގޭކަމެއް ވެސް ނޯވޭ.