އަޅުގަނޑުމެންނަކީ ވެސް ޕާޓީއަށް ޓަކައި ޤުރުބާންވީ މީހުން: ފައްޔާޒް
މޯލްޑިވްސް ޑިމޮކްރަޓިކް ޕާޓީ (އެމްޑީޕީ)އަށް ޓަކައި ޤުރުބާންވީ ވަކި ބައެއް ނޫން ކަމަށް ވިދާޅުވެ، އިންތިގެ ކެންޕެއިން ޓީމަށް އިކޮނޮމިކް މިނިސްޓަރ ފައްޔާޒް އިސްމާއީލް ވަރަށް ބޮޑަށް ފާޑު ވިދާޅުވެއްޖެއެވެ.
މިހާރު ކުރިޔަށްދާ އެމްޑީޕީގެ ޤައުމީ ޖަލްސާގައި ވާހަކަފުޅު ދައްކަވަމުން ފައްޔާޒް ވަނީ ޗެއަރޕާސަންގެ އިންތިޚާބުގައި، އެމަނިކުފާނާ ވާދަ ކުރައްވާ، މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި)ގެ ޓީމަށް ވަރަށް ބޮޑަށް ފާޑު ވިދާޅުވެފައެވެ. މި ގޮތުން އިންތިގެ ކެންޕެއިން ޓީމުގައި ހިމެނިވަޑައިގަންނަވާ ބައެއް ބޭފުޅުންނަކީ، އެމްޑީޕީއަށް ޓަކައި ބޮޑެތި ޤުރުބާނީތަކެއް ވެވަޑައިގެންނެވި ބޭފުޅުން ކަމަށް މީގެ ކުރިން އެ ބޭފުޅުން ވިދާޅުވަމުން ގެންދަވާތީ އެކަމަށް ފައްޔާޒް ވަނީ ރައްދު ދެއްވައިފައެވެ.
"އީވާއާއި އިންތިޔާޒާއި ހަސަން ލަތީފާއި ވައްޑޭއަކާ ގިޓާއަކާ އެކަންޏެއް ނޫން ޕާޓީއަށް ޤުރުބާންވީ" ވަރަށް ފޯރީގައި ވާހަކަފުޅު ދައްކަވަމުން ފައްޔާޒް ވިދާޅުވިއެވެ
މީގެ އިތުރުން ފައްޔާޒް ވަނީ އެ މަނިކުފާނަށް ނިސްބަތް ކުރައްވައި ޕާޓީ ތެރޭ ބްރޯ ހެދިގެން އުޅޭ ކަމަށާއި، އިންތިޚާބަށް ނުފޫޒު ފޯރުވަން މަސައްކަތް ކުރަމުންދާ ކަމަށް ދެކެވޭ ވާހަކަފުޅަށް ރައްދު ދެއްވައިފައެވެ.
"އަޅުގަނޑުމެން މިތިބީ ސަރުކާރާ އެކީގައި ގަދަކޮށް، އަޅުގަނޑުމެނަށް ބްރޯއޭ ވެސް ކީދާނެ، ނަމަވެސް އަސްލު ބްރޯއަކީ ކާކުކަން ދިވެހި ރައްޔިތުންނަށް މިއަދު އެނގޭނެ." ފައްޔާޒް މިހެން ވިދާޅުވީ، ރައީސް ނަޝީދަށް ނިސްބަތްކޮށް ކަމަށް ބެލެވެއެވެ.
ފައްޔާޒް އިތުރަށް ވިދާޅުވީ، އިންތިގެ ކެންޕެއިން ޓީމުން ކަންތައް ކުރަމުންދާ ގޮތާ މެދު އެއްޗެއް ނުބުނެވޭތޯ ވަރަށް މަސައްކަތް ކުރެވިއްޖެ ކަމަށެވެ. ނަމަވެސް ސަރުކާރުން ގެންނަން އުކުޅަހުން ފެށި ހިސާބުން، ބަޣާވާތޭ ކިޔައިގެން ވާހަކަ ދައްކަމުން އަންނަ ކަމަށާއި މަޖިލިސް ތެރެއިން ވެސް ސަރުކާރުގެ ކަންކަމަށް ހުރަސް އަޅަމުން އަންނަ ކަމަށް ފައްޔާޒް ވިދާޅުވިއެވެ. މީގެ އިތުރުން އިންތިޚާބުތަކަށް ނުފޫޒު ފޯރުވަނީ އެ މަނިކުފާނު ނޫން ކަމަށް ވިދާޅުވިއެވެ
"ނުފޫޒު ފޯރުވެން އޮތް އިންތިޚާބަކަށް، ކޮން ބައެއްތޯ ބައްލަވައިލައްވާ، އެކިއެކި ގޭތަކަށް ވަކިން ގޮސްގެން، އެކިއެކި މީހުންނަށް ފޯނު ކުރައްވައިގެން ތިމަންނަ ބޭރު ކުރަންށޭ ކިޔައިގެން ވާހަކަ ދައްކަނީ ކޮންބައެއްތޯ، އެއީ ކޮން ނުފޫޒެއްތޯ."
މިރޭ ކުރިއަށްދާ އެމްޑީޕީގެ ޤައުމީ ޖަލްސާއަކީ ޗެއަރޕާސަން އިންތިޚާބު ފަސް ކުރަން ފެނޭތޯ ބެލުމަށް ބާއްވާ އިންތިޚާބެކެވެ. ފައްޔާޒްގެ ޓީމުން ބޭނުން ވަނީ އިންތިޚާބު ފަސް ކުރާށެވެ.
"މި އިންތިޚާބު ބޭއްވެން ވާނީ، ގިނަ މެންބަރުންނަށް ވޯޓް ލެވޭ ގޮތަކަށް، އެއީ ރަމަޟާން މަހުގައެއް ނޫން" ފައްޔާޒް ވިދާޅުވިއެވެ.
ފައްޔާޒް ވިދާޅުވަނީ ބޮޑުދޮގެއް މިނިސްޓަރަކައް ވުމުގެކުރިން ޕޯޑިއަމެއްގާ ބަހެއް ނުބުނޭ މުޒާހަރާއެއްގާ ބައިވެރިވެގެން ޖަލަކައްނުލާ ދެންކޮން ގުރުބާނީއެއް ވެވުނީ
އަސްލު
ކޮންމެހެން ޕާޓީއަށް ޓަކައި ގުރުބާން ވާން ޖެހޭތަ