ވަގަށް ގޮވިޔަސް، ބުލީ ކުރިޔަސް، ފަހަތަކަށް ނުޖެހޭނަން: މަވޯޓާ
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޗެއާޕާސަން ކަމަށް ވާދަ ކުރައްވާ ފައްޔާޒު އިސްމާއީލަށް ތާއީދު ކުރައްވާތީ، ވަގަށް ގޮވިޔަސް، އަދި ބުލީ ކުރިޔަސް ފަހަތަށް ޖެހިވަޑައިނުގަންނަވާނެ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު ވިދާޅުވެއްޖެެއެވެ.
ޝަރީފު މިއަދު ކުރެއްވި ޓްވީޓެއްގައި ވިދާޅުވީ ފައްޔާޒަށް ތާއީދު ކުރެއްވުމަށް އޭނާ ނިންމެވީ ކޮވިޑްގެ ހާލަތުގައި ވެސް ގައުމުގެ އިގްތިސާދު ފުން އަނދަވަޅަކަށް ވެއްޓުނަ ނުދީ، ހިފެހެއްޓެވި އެއް ވަޒީރަކީ ފައްޔާޒު ކަމަށް ވާތީ ކަމަށެވެ.
"ވަކި ގޮތަކަށް، ވަކި މީހަކަށް ތާއީދު ނުކޮށްފިއްޔާ، އެއީ ކޮރަޕްޓް މީހެއް، ބޮޑު ވަގެއް." އޭނާ ވިދާޅުވިއެވެ.
ޝަރީފު އިތުރަށް ވިދާޅުވީ ތާ އަބަދު "ބުލީ" ނުވަތަ ހަނގާ ކޮށްގެން ކާމިޔާބުވާނެ ކަމަށް ހީކުރުމަކީ މޮޔަ ކަމެއް ކަމަށާއި، ތިމާ ނޭދޭ ގޮތަށް ބަހެއް ބުނާ ކޮންމެ މީހަކީ ވަގެއް ކަމަށް ހަދައި، އަބުރު ކަތިލައިގެން މޮޅެއް ނުވެވޭނެ ކަމަށެވެ.
އެމްޑީޕީގެ ޗެއާޕާސަންގެ އިންތިހާބު ރޯދައިގެ ފަހުން ބާއްވަން އެޕާޓީގެ ގައުމީ މަޖިލީހުން ނިންމީ، 100 މެމްބަރުންގެ ތާއީދާއެކުގައެވެ. އިންތިހާބު ފަސް ކުރުމަކީ ފައްޔާޒު ބޭނުންވެލެއްވި ގޮތެވެ. އަދި އިންތިހާބުގައި ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ބޭނުންވެލެއްވީ، އިންތިހާބު ފަސް ނުކުރުމަށެވެ. އިންތި އެދިވަޑައިގެންނެވި ގޮތަށް އިންތިހާބު ފަސް ކުރަން ބޭނުން ނުވީ އެންމެ 15 މެމްބަރުންނެވެ.
މެއިމަހުގެ 14 ވަަނަ ދުވަހު ބާއްވާ، އެމްޑީޕީގެ ޗެއާޕާސަންގެ އިންތިހާބު ވަރަށް ފޯރި ގަދަ ވާނެ ކަމަށް ބެލެވެއެވެ.
Ads by STO
