މިއަދު މި ފެންނަނީ އެމްޑީޕީ މަރުވެ މޫނު އަޅާ މަންޒަރު: ޖަމީލް
މިއަދު މި ފެންނަނީ ވެރިކަން ކުރާ މައި ޕާޓީ، އެމްޑީޕީ މަރުވެ މޫނު އަޅާ މަންޒަރު ކަމަށް ކުރީގެ ނާއިބު ރައީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.
ޖަމީލް މިފަދައިން ވިދާޅުވީ އެމްޑީޕީގެ ޗެއާޕާސަން ހޮވުމުގެ އިންތިހާބު ބާއްވާނެ ތާރީހެއް ކަނޑައެޅުމަށް ބޭއްވި އެ ޕާޓީގެ ގައުމީ މަޖިލީހުގެ ޖަލްސާ ހޫނުވެ އެމްޑީޕީ ތެރޭގައި ޚިޔާލު ތަފާތުވުން އުފެދި، ރައީސް ނަޝީދަށް ތާއީދު ކުރާ ފަރާތްތަކާއި ރައީސް ޞާލިހަށް ތާއީދު ކުރާ މެމްބަރުންގެ މެދުގައި ބަހުގެ ހޫނު ހަމަލާތަކެއް ރައްދުވަމުންދާ ދަނޑިިވަޅެއްގައެވެ.
ޖަމީލް ވިދާޅުވީ އެމްޑީޕީގެ އިސް ފަރާތްތަކުން ޑިމޮކްރެސީގެ ނަމުގައި ފޭހުނު އިލޮށިގަނޑު މިއަދު ހެރުނީ އަމިއްލަ ލޮލަށް ކަމަށާއި ޙައްޤު ބަސް ބުނަން ލިބުނު ކޮންމެ ވަގުތަކު ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ ފަދަ ޕާޓީގެ އިސްބޭފުޅުން ދެއްކީ ޒާތީ ތަޢައްޞުބު ކަމަށެވެ. މީގެ އިތުރުން ޖަމީލް ވިދާޅުވީ “މިއަދު އަސްލު އެމްޑީޕީ މަރުވެ މޫނު އަޅާ މަންޒަރު ފެންނަނީ” ކަމަށެވެ.
