ޞުލްޙަވެރި އިޙްތިޖާޖަކީ އަސާސީ ޙައްޤެއް، ފުލުހުންގެ ޒިންމާގެ ތެރެއަކަށް ނުވަދެވޭނެ: ޖަމީލް
ޞުލްޙަވެރި އިޙްތިޖާޖަކީ ގާނޫނީ ގޮތުން ލިބެން ޖެހޭ އަސާސީ ޙައްޤެއްކަމަށާއި ފުލުހުންގެ ޒިންމާގެ ތެރެއަށް ނުވަދެވޭނެކަމަށް ރާއްޖޭގެ ކުރީގެ ނައިބު ރައީސް ޑރ.މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޖަމީލް މިފަދައިން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި، އަންނަ ހުކުރު ދުވަހު ބޭއްވުމަށް ހަމަޖެހިފައިވާ “އިންޑިއާ އައުޓް”ހަރަކާތް ހިންގުމަށް ފުލުހުން ޖާގަ ނުދޭނެކަމަށް ދަންނަވައިފައި ވާނެކަމަށް މިނިސްޓަރ އިމްރާން ވިދާޅުވުމާ ގުޅިގެންނެވެ.
މިނިސްޓަރ ވިދާޅުވީ އަންނަ ހުކުރު ދުވަހު “އިންޑިއާ އައުޓް”ހަރަކާތެއް ކުރިޔަށް ގެންދަން އުޅޭކަމުގެ މަޢުލޫމާތު ލިބިފައިވާ ކަމަށާއި އެ ހަރަކާތް ހިންގާ ފަރާތްތަކާ ބައްދަލުކޮށްފައިވާ ކަމަށެވެ.
މިކަމާ ގުޅިގެން ޖަމީލް ވިދާޅުވީ ރާއްޖޭގައި ހިންގާނީ ޤާނޫނުގެ ސިޔާދަތު ކަމަށާއި ޞުލްޙަވެރި އިޙްތިޖާޖަކީ އަސާސީ ޙައްޤެއް ކަމަށެވެ. އަދި މިނިސްޓަރ އިމްރާނަށް ޤާނޫނު ނޭނގުމަކީ ރައްޔިތުންގެ މައްސަލައެއް ނޫން ކަމަށާއި ފުލުހުންގެ ޒިންމާގެ ތެރެއަށް ވަދެގަތުމުގެ އިޚްތިޔާރެއް ނުލިބޭ ކަމަށް ޖަމީލް ވިދާޅުވިއެވެ. މީގެ އިތުރުން ޖަމީލް ވިދާޅުވީ ޤާނޫނީ ރައްކާތެރިކަން އިޙްތިޖާޖްތަކަށް ލިބިގެންވާ ކަމަށެވެ.
އިމުރާނަކީދުނިއޭގެއެޔެމިއެއްނުދައްނަރޯނުއެދުރެކޭމިވަރުމީހަަކައްމިނިސްޓަރުކަންދީގެންްތިއުލެނީ
7 ފެބުރުއަރީގައި އިމްރާނަށްވުރެ ދަންނަ މީހަކުނެތް. އަނެއްކާ ކުއްލިއަކަށް މިވީ ކީއް؟
ދިވެހި ރާއްޖޭގެ ރަހުމަތްތެރިކަން ގާއިމުވެފަވާ ގައުމަކާ މެދު އެގައުމު އައުޓް ކިޔައިގެން ހިންގާ ހަރަކާތުގާ ގައުމީ ދިދަ ބޭނުންކުރުމަކީ ގާނޫނީ ބޮޑު ޖޯކް. އަދި އެއީ އަނެއްކާ ސަރުކާރުން ކުރާ ކަމެއްތޯ؟
ސުލްހަވެރި އެއްވުން ބާއްވަން ދާންޖެހޭނީ ޙައްޖަށް. ޖަމީލާއި، ޔާމީނު ފޭހި އިލޮށި ތިޔޮތީ އަމިއްލަ ލޮލަށް ހެރިފައި.