ސްޓެލްކޯއަށް ތެޔޮ އެތެރެކުރުމުގެ ހުއްދަ ދޭން އެދި ހުށަހެޅި މައްސަލަ ބޭރުކޮށްލައިފި
ސްޓެލްކޯއަށް ތެޔޮ އެތެރެކުރުމުގެ ހުއްދަ ދޭން އެދި ކާށިދޫ ދާއިރާގެ މެމްބަރު އަބްދުﷲ ޖާބިރު މިއަދު ރައްޔިތުންގެ މަޖިލީހުގެ ތަޅުމަށް ހުށަހެޅުއްވި މައްސަލަ ބޭރުކޮށްލައިފިއެވެ.
މައްސަލަ ހުށަހަޅުއްވަމުން ޖާބިރު ވިދާޅުވީ ރާއްޖެއަކީ ހަކަތަ އެތެރެކުރާ ގައުމަކަށް ވާތީ މިހާރު ވެސް އެކި ދުވަސްތަކުގެ މަތިން ބޮޑުވަމުންދާ ތެލުގެ އަގާ ގުޅިގެން ރާއްޖޭގެ އާބާދީގެ ބޮޑު ބަޔަކަށް ކަރަންޓް ފޯރުކޮށްދިނުމުގައި ދަތިތަކެއް ކުރިމަތިވާ ކަަމަށެވެ.
ސްޓެލްކޯއިން ތެޔޮ އެތެރެކުރެވިއްޖެ ނަމަ ކަރަންޓު ބިލުން ކުރާ ހޭދައަށް ހެޔޮ ބަދަލެއް ގެނެވިދާނެ ކަމަށް ވެސް ޖާބިރު ވިދާޅުވިއެވެ. އަދި ރަޝިއާއަށް އަޅަން ފަށައިފައިވާ ދަތިކުރުމުގެ ފިޔަވަޅުތަކާ އެކު އިގްތިސޯދީ ގޮތުން ދިވެހިންނަށް އަސަރުތަކެއް ކުރާނެ ކަމަށް ޖާބިރު ވިދާޅުވިއެވެ.
ޖާބިރު ހުށަހެޅުއްވި މައްސަލަ ބަލައިގަންނަން ނުފެންނަ ކަމަށް 28 މެމްބަރަކު ވަނީ ވޯޓުދީފައެވެ. މައްސަލަ ބަލައިގަންނަން ފެންނަ ކަމަށް ވޯޓުދެއްވީ ހަތަރު މެމްބަރުންނެވެ.
Ads by STO
