އެމްޑީޕީއަކީ ހައްގުތައް ހަނިކުރުމުގެ މުޑުދާރު ސަގާފަތެއްގެ ޕާޓީއެއް: ޖަމީލް
އެމްޑީޕީއަކީ ރައްޔިތުންގެ ހައްގުތައް ހަނިކުރާ، މުޑުދާރު ސަގާފަތެއްގެ ޕާޓީއެއް ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިފަދައިން ވިދާޅުވެފައި ވަނީ މަގުތަކުގައި އެންމެ ބާރު ބޮޑު ގަޑިތަކުގައި ރައީސް ނަޝީދު ދިރިއުޅުއްވާ ކެނެރީގެ ހުންނަ ނީލޯފަރުގޯޅި ބަންދުކޮށްފައި ހުންނާތީ އެ ސަރަހައްދުން މަޖީދީ މަގަށް ނިކުންނަ މީހުން ނީލޯފަރު މަގުގައި ތޮއްޖެހި މުޅި ސަރަހައްދު ބްލޮކްވެ، އެކަމުގެ ކަންބޮޑުވުން އާންމުންގެ ގިނަ ބަޔަކު ކުރުމާ ގުޅިގެންނެވެ.
މިކަމާ ގުޅިގެން ޖަމީލް ވިދާޅުވީ އެއީ ވަރަށް ލަދުވެތި، މުޑުދާރުކަމެއް ކަމަށެވެ. އަދި މުރައިދޫ ރަދުންނަށްވެ ޖާހަތު ބޮޑުވެ މިހާރު ރައްޔިތުންނަށް ތަކުލީފަކަށް ވެފައިވާ ކަމަށް ޖަމީލް ވިދާޅުވިއެވެ.
މީގެ އިތުރުން އެމްޑީޕީއަކީ ހައްގުތައް ކޮށައި މަށައި ހަނިކުރުމުގެ މުޑުދާރު ސަގާފަތެއް އޮތް ޕާޓީއެއް ކަމަށް ޑރ. ޖަމީލް ވިދާޅުވިއެވެ.
ނީލޯފަރުގޯޅި ބަންދުކޮށްފައި ހުންނާތީ އެކަމުގެ ކަންބޮޑުވުން ފާޅުކޮށް އާންމުންގެ މީހަކު ބުނީ ސްކޫލް ގަޑީގައި އެ މަގު ބަންދު ކޮށްފައި އޮތުމުން ބައެއް ދުވަސް ދުވަހު ގަޑިޖެހިގެން ދަރިފުޅު ސްކޫލަށް ގެންދަން ޖެހޭ ކަމަށެވެ. އަދި އެ މަގު ބަންދުކުރަނީ ކޮން ގަޑިއަކު ކަމެއް ނޭނގޭ ކަމަށާއި އެކަމުގެ ސަބަބުން ވަރަށް ބޮޑެތި ދަތިތަކާ ކުރިމަތިލާން ޖެހޭ ކަމަށް އާންމުން ބުނެފައި ވެއެވެ.
މިވަރުގެ މޮޔަ ..އެއް މިގައުމަކު ނެއް…..
ސިޔާސީވީމާ ހުރިހާ ފާފައެއް ފޮހެވެނީތާ ނޫނީ ފާފަވެރިނުވަނީބާ މިބޭފުޅާވެސް އެކިފަހަރު އެކިގޮތަށް ފުރަތަމަ ވަގަށްގޮވީ މިހާރު ވަގުހިމާޔަތް ކުރަނީ