އަތޮޅުތަކަށް އިތުރު 8 އެމްބިއުލާންސް
އިތުރު 8 ރަށަކަށް އެމްބިއުލާންސް ފޮނުވުމުގެ މަސައްކަތް ފަށައިފިއެވެ.
އެސްޓީއޯއިން މިއަދު ވިދާޅުވީ މި އެމްބިއުލާންސްތައް ފޮނުވަން ހަމަޖެހިފައި ވަނީ އއ. ރަސްދޫ، އދ. ދިގުރަށް، ތ. ވިލުފުށި، ގއ. ކަނޑުހުޅުދޫ، ޏ. ފުވައްމުލަށް، ސ. ހިތަދޫ، ގދ. ނަޑެއްލާ އަދި ކ. ގުރައިދޫއަށް ކަމަށެވެ.
ރަށްރަށަށް ބޭނުންވާ އެމްބިއުލާންސްތަކުގެ ތެރެއިން ފުރަތަމަ 20 އެމްބިއުލާންސް ރާއްޖެ ގެނެސްފައި ވަނީ މިދިޔަ މަހުގެ 7ވަނަ ދުވަހުއެވެ. ދެވަނަ ޝިޕްމަންޓް ރާއްޖެ ގެނެސްފައި ވަނީ މިދިޔަ އަހަރު ނޮވެމްބަރު މަހުގެ 29ވަނަ ދުވަހުއެވެ. ތިންވަނަ ޝިފްމަންޓް ރާއްޖެ ގެނެސްފައި ވަނީ ފެބްރުއަރީ މަހުގެ 8ވަނަ ދިވަހުއެވެ.
އެމްބިއުލާންސްގެ ޚިދުމަތަކީ ކޮންމެ ރަށަކަށް ވެސް މުހިންމު ޚިދުމަތެކެވެ. އެމްބިއުލާންސް ހަލާކުވެ ޚިދުމަތް ނުލިބޭކަމުގެ ޝަކުވާ ގިނަ ރަށްރަށުން ކުރެއެވެ. އަދި ޚިދުމަތް މެނދުކެނޑިފައި އޮތުމުގެ ސަބަބުން ރަށްރަށަށް ގިނަ ދަތިތަކާ ކުރިމަތިވަމުންދެއެވެ. އެމްބިއުލޭންސް ދިޔުން ލަސްވެ ފަރުވާ ނުލިބުމުގެ ސަބަބުން ހިތާމަވެރި ހާދިސާތަކެއް ވެސް ވަނީ ހިނގައިފައެވެ.
Ads by STO
