ރައީސުލްޖުމްހޫރިއްޔާގެ ދެކަނބަލުން ރާއްޖެއަށް ވަޑައިގަންނަވައިފި

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށް ފަހު ރޭ ރާއްޖެއަށް ވަޑައިގަންނަވައިފިއެވެ.

Ads by MWSC

ރައީސުލްޖުމްހޫރިއްޔާ ދެކަނބަލުން ސިންގަޕޫރަށް ކުރައްވާ ނުރަސްމީ ދަތުރުފުޅެއްގައި ފުރާވަޑައިގަތީ މިމަހުގެ 14ވަނަ ދުވަހުއެވެ. އެހެންނަމަވެސް މި ދަތުރުފުޅުގެ ތަފްސީލެއް ރައީސް އޮފީހަކުން ހާމައެއް ނުކުރައްވައެވެ.

ނުރަސްމީ ދަތުރުފުޅެއްގައި ރައީސް ސޯލިހުގެ ދެކަނބަލުން ވަނީ މިދިޔަ ފެބްރުއަރީ މަހުގެ ތެރޭގައި ދެ ފަހަރެއްގެ މަތިން ސިންގަޕޫރަށް ވަޑައިގެންފައެވެ.

އޭގެ ތެރެއިން ފެބްރުއަރީ މަހުގެ 22ވަނަ ދުވަހު ސިންގަޕޫރަށް ވަޑައިގެންނެވީ ތައިރޮއިޑް އޮޕަރޭޝަނެއް ކުރެއްވުމަށެވެ. ފަރުވާއަށް ފަހު ރައީސް ރާއްޖެ ވަޑައިގެންނެވީ މިދިޔަ މަހުގެ ހަވަނަ ދުވަހެވެ.