އެމްޑީޕީގައި ކޮރަޕްޓް މެންބަރުން ނުތިބޭނެ: ޝަރީފް
އެމްޑީޕީގައި ކޮރަޕްޓް މެންބަރުންނެއް ނުތިބޭނެކަމަށް ކެލާ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
ޝަރީފް މިފަދައިން ވިދާޅުވީ އެމްޑީޕީގެ ޗެއާޕާސަންގެ މަގާމަށް ވާދަކުރައްވާ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ (އިންތި) އިންތިގެ ކެމްޕޭނުގެ ޓީމުން އެ އިންތިޚާބުގައި ދެން ވާދަކުރައްވާ އިކޮނޮމިކް މިނިސްޓަރު ފައްޔާޒް އިސްމާއީލުގެ ޓީމަށް ކުރައްވާ ތުހުމަތުތަކާ ގުޅިގެންނެވެ.
އެގޮތުން އިންތިހާބާ ދިމާކޮށް ސަރުކާރުގެ ނުފޫޒާއި ބާރުގެ ބޭނުންކޮށް، ސަރުކާރު ކުންފުނިތަކުގެ މުވައްޒަފުންނަށް ބިރު ދައްކަމުންދާ ކަމަށާއި ކުންފުނިތަކުން ވަޒީފާ ހަމަޖައްސައިދެމުންދާކަމުގެ ތުހުމަތު އިންތިގެ ޓީމުން ދަނީ ކުރަމުންނެވެ.
މިކަމާ ގުޅިގެން ޝަރީފް ވިދާޅުވީ އެމްޑީޕީގައި ކޮރަޕްޓް މެންބަރުން ނުތިބޭނެ ކަމަށާއި، އެމްޑީޕީ ދަސްކޮށްދީފައި ވާނީ އަމިއްލަ ހަލާލު ބުރަ މަސައްކަތުން ރިޒުޤު ހޯދަން ކަމަށެވެ. އޭނާ ވަނީ އެމްޑީޕީ މެންބަރުންނަށް ކުނިގޮވުން ހުއްޓައިލާން ގޮވައިލައްވައިފައެވެ.
އިންތިގެ ޓީމުން ކުރަމުންދާ ތުހުމަތުތައް ކަމާ ގުޅޭ އިދާރާތަކުން ތަހުގީގުކުރުމަށް ފައްޔާޒް ވަނީ ގޮވައިލައްވައިފައެވެ. އިންތިއަށް ތާއިދުކުރާ ފަރާތްތަކުން ސަރުކާރާ ދެކޮޅަށް ދައްކާ ވާހަކަތަކުގެ އިތުރުން ފައްޔާޒަށް ކުރާ ތުހުމަތުތަކަށް ފައްޔާޒުގެ ޓީމުން ދަނީ ރައްދު ދެމުންނެވެ.
ވާދަވެރިކަން ބޮޑުވެފައިވާ އެމްޑީޕީގެ ޗެއާޕާސަން އިންތިހާބު ބޭއްވުމަށް ހަމަޖެހިފައި ވަނީ މި މަހުގެ 14ވަނަ ދުވަހުއެވެ.
ތެދުފުޅެށް.ކޮމމެމެެހަކު.ބުނިނަމަވެސް ތެދުވާނީތެދަކަން މޑ ޕ ގަތިބޭނީ މުޅިނވެސްކުޑަތާމަލާއިކަތުން
އަޅެ މީނަމީ ނުފެންނަ އަޑުނީވެ މަންމަނެއްތަ؟؟؟ޔާމިނުގެ ވެރިކަމުގަ އަންނި ބޭރައްފުރުވާލުމަށާއި މަޖިލީހުގަ ބޭރު ފަރާތްތަކަށް ބިން މިލްކު ކުރެވޭބިލަށް ވޯޓްދިނީ ކިހާވަރެއްނަގައިގެން؟؟؟އެ ފައިސާއިން އެންމެބޮޑުބަޔެއް ހޭދަކުރީ ތިޔަ އަންނިގެ ކަންކަމުގަ، އަދިވެސް ކީދާނެބައިވަރު،
ޢިބަރާހިމް ޝަރީފު ހަމަތަ
ތިއީ ވަރަށް ބޮޑުތެދުފުޅެއް ބަލަ އެމްޑީޕީ މެންބަރުންނޭ އެކަކު އަނެކަކާ ދިމާލަށް ކޮރަޕްޓް މެންބަރުންނޭ ގޮވަނީ މިހާރުވެސް ފަސްބައި ނަގާ ބަލާ ބަލަ ކޯޗެއް ތޯ ފެންނަނީ! މެންބަރު އިބްރާހީމް ޝަރީފް ވެސް ތީ ހުދު ފޮށއެއްނޫން.