އިންތިޚާބުތަކަށް ސަރުކާރުން ނުފޫޒު ފޯރުވާ ކަމަށް ބުނެ މަޖިލީހަށް!
ސަރުކާރުން އިންތިޚާބުތަކަށް ނުފޫޒު ފޯރުވަމުންދާކަމަށް ބުނެ މައްސަލައެއް މަޑުއްވަރީ ދާއިރާގެ ޕީއެންސީ މެންބަރު އާދަމް ޝަރީފް އުމަރު މައްސަލައެއް ހުށަހަޅުއްވައިފިއެވެ،
ޕީއެންސީގެ ޕީޖީ ގުރޫޕްގެ ލީޑަރުކަން ކުރައްވަމުން ގެންދަވާ އާދަމް ޝަރީފް އުމަރު ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް ފޮނުއްވި ސިޓީއެއްގައި ވިދާޅުވީ، އިންތިހާބުތަކާ ގުޅުވައިގެން ސަރުކާރުގެ މުދަލާއި ވަސީލަތްތައް ނަހަމަ ގޮތުގައި ބޭނުން ކުރުމަކީ ރައްޔިތުން ކަންބޮޑުވާ ހައްސާސް މައްސަލައެއް ކަމަށާއި ބައި އިލެކްޝަންތަކާއި އެމްޑީޕީގެ އެތެރޭގެ އިންތިހާބުގައި ވެސް ދައުލަތުގެ މުދަލާއި ވަސީލަތްތައް ނަހަމަ ގޮތުގައި ބޭނުން ކުރަމުންދާކަމަށެވެ.
އާދަމް ޝަރީފް ވިދާޅުވީ، އިންތިޚާބުތަކާ ދިމާކޮށް، އެސްއެމްއީ ލޯނު ދިނުމާއި ވަޒީފާތައް ދޭ ކަމަށް ސަރުކާރު ކޯލިޝަންގެ މައި ޕާޓީ އެމްޑީޕީގެ މެންބަރުން ވެސް ތުހުމަތު ކުރާ ކަމަށެވެ. އަދި މި ތުހުމަތުތަކަށް ސަރުކާރުން ދޮގު ނުކުރާކަން ފާހަގަ ކުރެއްވިއެވެ.
"ވީމާ އިންތިހާބުތަކާ ގުޅުވައިގެން ދައުލަތުގެ މުދަލާއި ވަސީލަތް ނަހަމަ ގޮތުގައި ސަރުކާރުން ބޭނުން ކުރުމާއި، އިންތިހާބުތަކަށް ނުފޫޒު ފޯރާގޮތަށް މަޝްރޫއުތައް އިއުލާން ކުރުމާއި، ލޯނު ދިނުމާއި މަގާމުތައް ބެހުމާބެހޭ މައްސަލަތައް ރައްޔިތުންނަށް ހާމަވާނެ ގޮތެއްގެ މަތީން ރައްޔިތުންގެ މަޖިލީހުގެ ކަމާބެހޭ ކޮމެޓީއަކުން ބައްލަވައި ދެއްވުން އެދެމެވެ." އާދަމް ޝަރީފް ސިޓީގައި ވިދާޅުވިއެވެ.
އާދަމް ޝަރީފް ވިދާޅުވީ، މިފަދަ މައްސަލަތައް އެންޓި ކޮރަޕްޝަން ކޮމިޝަނުން މިއަދު ނުބެލޭ ކަމަށާއި މިހެންކަމުން މި މައްސަލަ ބައްލަަވައިދެއްވުން އެދި ރައްޔިތުންގެ މަޖިލީހުގެ ރައީސްގެ އަރިހުން އެދިވަޑައިގަންނަވާ ކަމަށެވެ.
ރައީސްކަން ވެސ ހޯދީ ނުފޫޒާއި ބާރުފޯރުވާ ފައިސާ އާއި ކޮރަފުސަން ފޯރުކޮށް އެތައް ނާޖާއިޒު ކަންތައްގަނޑެއް ކޮށްގެން.
ތީޢާދަން ސަރީފް ކުރި ވަރަށް ރަނގަޅުކަމެއް މިހާރުވެސް ފަޔޭ ނަގަން ބޭނުންވާ މީހާ ނުނަގާ އިއުލާން ބާތިލް ކުރުމުން ހަމ އެ އިއުލާނަށްބާތިލް ކުރި އިއުލާނަށް ހަމަ އެމީހާ ނެގުމަށް ޖެންޑަރ މެދުވެރިކޮށް ސިވިލް އަށް ނުފޫޒު ފޯރުވަމުން މިޔޮށް ދަނީ އަދި ހަމަ އެޔާއެކު ފެނަކަ އަށް އީދެއް އައިސްގެން އުޅޭ ކަހަލަ އިއުލާންވެސް ކޮށް ނުލައިވަޒީފާަތަށް މިއޮޢް އޮއްސަނީ މިޔޮތީވާ ސަރުކާރެއް