ރިޔާސީ އިންތިޚާބުގައި ރައީސް ޞާލިޙް ބައިވެރިވެ ވަޑައިގަންނަވާނަމޭ އަބަދުވެސް ވިދާޅުވޭ: ރީކޯ މޫސަ
2023ވަނަ އަހަރު އޮންނަ ރިޔާސީ އިންތިޚާބުގައި ރައީސް އިބްރާހީމް މުޙައްމަދު ޞާލިޙް ބައިވެރިވެ ވަޑައިގަންނަވާނެ ވާހަކަ އަބަދުވެސް ވިދާޅުވާ ކަމަށް، އެމްޑީޕީގެ ކުރީގެ ޗެއަރޕާސަން މޫސާ މަނިކު (ރީކޯ މޫސަ) ވިދާޅުވެއްޖެއެވެ.
ރީކޯ މޫސާ މިހެން ވިދާޅުވެފައި ވަނީ، ރައީސް މުޙައްމަދު ނަޝީދު މިއަދު ދެއްކެވި ވާހަކަފުޅަށް ރައްދު ދެއްވަމުންނެވެ. ދިވެހި ޗެނަލްއިން ގެނެސް ދިން ޕްރޮގްރާމެއްގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ، 2023ވަނަ އަހަރުގެ އިންތިޚާބުގައި ރައީސް ނަޝީދު ބައިވެރިވެ ވަޑައިގަންނަވާނެ ކަމަށް ޤަބޫލު ނުކުރެވޭ ކަމަށެވެ. މިހައިތަނަށް އިންތިޚާބުގައި ވާދަ ކުރުމުގެ ޝައުގުވެރިކަން ރައީސް ޞާލިޙް ފާޅު ނުކުރައްވާކަން ނަޝީދު ފާހަގަ ކުރެއްވިއެވެ.
މި ވާހަކަފުޅަށް ރައްދު ދެއްވަމުން މޫސަ ވިދާޅުވީ ރައީސް ނަޝީދާއި އިބްރާހީމް މުޙައްމަދު ޞާލިޙްއާ ބައްދަލުވެ ވާހަކަ ނުދައްކަވާތާ އެތައް ދުވަހެއް ވެފައިވާ ކަމަށެވެ. އަދި މޫސައާ ދިމާވާ ކޮންމެ ފަހަރަކު ރިޔާސީ އިންތިޚާބުގައި ވާދަ ކުރައްވާނެ ކަމަށް ވިދާޅުވާ ކަމަށް ރައީސް ޞާލިޙް ވިދާޅުވާ ކަމަށް ވިދާޅުވިއެވެ.
"ނަޝީދު މިއަދު ހެއްދެވީ ދޮގެއް ރައީސް އިބޫއާ ދެމީހުން ބައްދަލުވެ ވާހަކަ ނުދައްކާތާ އެތައް ދުވަހެއްވެއްޖެ، އަޅުގަނޑާ ބައްދަލުވެ ވާހަކަ ދައްކާ ކޮންމެ ފަހަރަކު. ރައީސް ވިދާޅުވޭ ތިމަންނަ 2023އަށް ކުރިމަތިލައްވާނަމޭ , ކުރިއަށް ވަޑައިގަންނަވާނީ އުސޫލާ އެއްގޮތަށޭ" މޫސަ ކުރެއްވި ޓްވީޓެއްގައި ވިދާޅުވިއެވެ.
