ވާދަވެރިކަން ބޮޑު:ކުރީގައި އުޅުއްވަނީ ފައްޔާޒް
މިއަދު ކުރިޔަށް ދިޔަ އެމްޑީޕީގެ އެތެރޭގެ އިންތިޚާބުގެ ހުރިހާ ވޯޓް ފޮއްޓެއް ބަންދުކޮށް، ވޯޓް ގުނަން ފަށައިފިއެވެ.
މިއަދު ހަވީރު 4:00 ގައި ވޯޓް ފޮށިތައް ބަންދު ކުރަން ކުރިން ނިންމާފައި އޮތް ނަމަވެސް، ވޯޓް ލުން 6:00 ވަންދެން ކުރިޔަށް ގެންދިޔައެވެ. އެމްޑީޕީން ވިދާޅުވީ، ވޯޓް ލުން ކުރިޔަށް ގެން ގޮސްފައިވަނީ، ވިއްސާރަވުމުގެ ސަބަބުން ވޯޓް ލުން ފަށާ ގަޑި ލަސްވުމާއި ގުޅިގެންނެވެ.
މިހާތަނަށް ނަތީޖާ ލިބުނު ފޮށިތަކަށް ބަލާއިރު، ކުރީގައި އުޅުއްވަނީ ފައްޔާޒެވެ. ނަމަވެސް އިންތިއަށް ވަރަށް ބޮޑު މެޖޯރިޓީއެއް ލިބުނު ރަށްތައް ވެސް އެބަހުއްޓެވެ. އަދި ބައެއް ރަށްރަށުން ފައްޔާޒްވެސް ކުރި ހޯއްދަވާފައިވަނީ ބޮޑު އަޣުލަބިއްޔަތަކުންނެވެ.
މިއަދުގެ އިންތިޚާބުގައި ޗެއަރޕާސަންގެ އިތުރުން، އަންހެނުންގެ ކޮމިޓީގެ ރައީސާއާއި، ޒުވާނުންގެ ހިތްވަރުގެ ރައީސް އަދި ނައިބު ރައީސް ހޮވާނެއެވެ.
މި އިންތިޚާބަކީ ރާއްޖޭގައި ސިޔާސީ ޕާޓީއަކުން ބާއްވާ އެންމެ ބޮޑު އިންތިޚާބެވެ. މި އިންތިޚާބުގައި ވޯޓް ލުމުގެ ޙައްޤު 94،000 މީހުންނަށްވަނީ ލިބިފައެވެ.
ރަފްތަރުގަ ފަންސާސްހާސް އެކްމކުވޯޓުލޭ ނުވަދިހާސްފައްކާދޯ