ސަރުކާރު ޖަވާބުދާރީއެއް ނުކުރެވޭ، ބޮޑު ޚަރަދެއްކޮށްގެން މަޖިލިސް ހިންގުމުގެ ބޭނުމެއް އެބަ އޮތްތޯ: އާދަމް ޝަރީފް
އާއްމުންނަށް ނޭނގި ޕާޓީތަކަށް މީހުން ވައްދާކަމަށް ޝަކުވާ ކުރަމުންދާތީ، ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް ޢުމަރު ހުށައެޅުއްވި މައްސަލަ ތަޅުމުން ބޭރުކޮށްލުމުން އާދަމް ޝަރީފްގެ ނުރުހުން އަމާޒުވެއްޖެއެވެ.
މިކަމާ ގުޅިގެން އާދަމް ޝަރީފް ކުރެއްވި ޓުވީޓެއްގައި ވިދާޅުވީ، ރައްޔިތުންގެ ކަންބޮޑުވުންތައް ހިއްސާ ނުކުރެވޭ، ޤައުމުގެ ބޮޑެތި މައްސަލަތައް ހައްލު ހޯދައިނުދެވޭ ޤަނޫނު އަސާސީން ލާޒިމްކުރާ ސަރުކާރު ޖަވާބުދާރީ ނުކުރެވޭ މަޖިލީހެއް، ބޮޑު ޚަރަދުކޮށްގެން ހިންގުމުގެ ބޭނުމެއް ނެތް ކަމަށެވެ.
މެމްބަރު އާދަމް ޝަރީފް މިއަދު ހުށައެޅުއްވި މައްސަލައިގައި ބުނެފައި ވަނީ ސިޔާސީ ޕާޓީއަށް ވަނުމާއި ވަކިވުމަކީ ޤާނޫނު އަސާސީން ކޮންމެ ރައްޔިތަކަށް ވެސް ލިބިގެންވާ ހައްޤެއް ކަމަށާއި ނަމަވެސް އާއްމުންނަށް ނޭނގި ސިޔާސީ ޕާޓީތަކަށް ވެއްދުމާއި ވަކި ކުރުމާއި އެހެން ޕާޓީތަކުގެ މެމްބަރު ނޭނގި ޕާޓީ ބަދަލު ކޮށްފައި ހުންނަ މައްސަލަ މިހާރު ބޮޑުވެފައިވާ ކަމަށެވެ.
މި މައްސަލަ މަޖިލީހަށް ބަލައިގަތުމަށް ވޯޓު ދެއްވީ 10 މެމްބަރުންނެވެ. މައްސަލަ މަޖިލީހުން ބޭރުކޮށްލުމަށް 17 މެމްބަރުން ވަނީ ވޯޓު ދެއްވައިފައެވެ.
މަޖިލސް ހިްގުމުގެ ޚަރަދު އާދަމްޝަރީފުގެ ޖީބުންކުރައްވާނަމަ މިހާރުންމިހާރަށް މަޖިލިހުގަ ތަޅުއައަޅުވާފަ ކުރިންވެސް ހެއްދެވި ގޮތަށް މެމްބަރުން މަޖިލިހުންނެރޭ.