ވައްޑޭ އިދިކޮޅަށް: "ތިޔަ ނިފާޤުކަމުގެ ފަހަތުގައި ފޮރުވިފައިވަނީ ހީލަތާއި 'ހިޔަޅުބުއްދި'
އިދިކޮޅު ކޯލިޝަނުން ކުރިއަށް ގެންދާ އިންޑިއާ އައުޓު ކެމްޕޭނަށް ފާޑު ވިދާޅުވެ އުނގޫފާރު ދާއިރާގެ މަޖިލިސް މެމްބަރު މުޙައްމަދު ވަޙީދު އިދިކޮޅަށް ވަރުގަދަ ރައްދެއް ދެއްވައިފިއެވެ.
މެމްބަރު ވަޙީދު މިއަދު ކުރެއްވި ޓުވީޓެއްގައި ވިދާޅުވީ، ވަޠަނީ ޤައުމީ އަދި ދީނީ ފަދަ ނަންނަމުގައި ކުރިން ވެސް އުޅުއްވީ ރައްޔިތުން އަޅުވެތިކޮށް ރާއްޖޭގޭ އަތޮޅުއަތޮޅު ވިއްކައިލާން ކަމަށެވެ. ބެލެވޭ ގޮތުގައި ވަޙީދު މި ފާހަގަކުރެއްވީ ޔާމީންގެ ވެރިކަމުގައި ސަޢުދީއަށް ފ. އަތޮޅު ވިއްކާލަން އުޅުނުކަމަށް ދެކެވުނު ވާހަކަތަކަށެވެ.
މީގެ އިތުރުން ވައްޑޭ ވިދާޅުވީ، އިދިކޮޅުގެ ކެމްޕެއިނުގެ ފަހަތުގައި ފޮރުވިފައި ވަނީ ހީލަތްކަން އެންމެންނަށް ވެސް އެނގޭކަމަށާއި، އަޅުވެތިވާން ވެސް ބާކީވާން ވެސް ދިވެހިން ނޭދޭ ކަމަށެވެ.
އިދިކޮޅުން ފަށައިފައިވާ 'އިންޑިއާ އައުޓު' ކެމްޕެއިނާ ދެކޮޅަށް އެމް.ޑީ.ޕީން މިހާރު ވަނީ 'ބާކީނުވޭ' ނަމުގައި ކެމްޕެއިނެއް ފަށައިފައެވެ. އެގޮތުން އެމް.ޑީ.ޕީގެ އެކްޓިވިސްޓުން އަންނަނީ މި ހޭޝްޓެގު ބޭނުންކޮށްގެން އިންޑިއާއާއި ރާއްޖެއާ އޮތް ޒަމާންވީ ގުޅުމާ ބެހޭ ގޮތުން ޓުވީޓު ކުރަމުންނެވެ.
އެމް.ޑީ.ޕީގެ ރައީސް، ރައީސް ނަޝީދު ވެސް ވަނީ މިއަދު މި ހޭޝްޓެގު ބޭނުން ކުރައްވައި ޓުވީޓު ކުރައްވައިފައެވެ. ރައީސް ނަޝީދުގެ ޓުވީޓުގައި ވިދާޅުވީ ސިޔާސީ ވެރީން ސިޔާސީ ބޭނުމަށްޓަ ކައި ދިވެހީން ބާކީވެ ނިކަމެތިވާނެ ކަންކަން ނުކުރެއްވުމަށް ހުރިހައި ސިޔާސީ ލީޑަރުން ވިސްނަވަން ވާނެ ކަމަށެވެ. އަދި އިންޑިއާއާ ދެކޮޅަށް ހިންގާ ކެމްޕެއިނަކީ ދިވެހީންގެ ތާއީދު އޮތް ކަމެއް ނޫންކަން ސާބިިތު ވަނީ އެކަމުގައި ބައިވެރިވާ މީހުންގެ އަދަދު މަދުކަމުން ކަމަށް ވެސް ވިދާޅުވިއެވެ.
އިދިކޮޅުން ކުރިއަށް ގެންދާ އިންޑިއާ އައުޓު ހަރަކާތުގެ ތެރެއިން ކޮންމެ ރެއަކު ވެސް އެއްވުންތައް ބާއްވަމުން ގެންދެއެވެ. އަދި މަދު މީހުން ބައިވެރިވި ނަމަވެސް ފުލުހުން އެ މީހުންނާ ކުރިމަތިލައި ބާރުގެ ބޭނުން ކުރަމުން ގެންދެއެވެ.
ފ. އަތޮޅަށް ސައޫދީ އިންވެސްޓް ގެނައިނަމަ އަހަރުމެން އުޅޭނީ ކޮންފަދަ އުފާފާގަތި ކަމެއްގަ. އެމް.ޑީ.ޕީގެ ބަލާވެރިކަން ފ. ގެ އުފާވެރިކަންވަނީ ފޭރިގެންފަ.
އިންޑިޔާ ރާއްޖެޔަކީ ގާތް ދެގައުމު ނަމަވެސް އޭގެ މާނަޔަކީ ލައިގެން ހުންނަ ހު ރިހާ ފޭ ރާމެއް ބާލާފަ އިންޑިޔާއައް ދެއްކުމެއްނޫން އެހާވަ ރައް އަޅުވެތި ކު ރުވުން ކަމަކުނުދޭ އިންޑިޔާ މިލިޓަ ރީ އައުޓް
މޑޕޢައްބުރެ ބޮޑު.ނިފާގެން.ޮންނާނެބާ