ރައީސް ޞާލިޙް ބަލިކުރަން ރައީސް ޔާމީނަށް ފަސޭހަ ވާނެ: އާދަމް ޝަރީފް
އަންނަ ރިޔާސީ އިންތިޚާބުން ރައީސް އިބްރާހީމް މުޙައްމަދު ޞާލިޙް ބަލިިކުރައްވަން، އިދިކޮޅު ލީޑަރު ރައީސް ޔާމީން އަބްދުލްޤައްޔޫމަށް ފަސޭހަވާނެ ކަމަށް ޕީއެންސީގެ ނައިބު ރައީސް، މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވެފައި މި ވަނީ ދެވަނަ ދައުރަކަށް ކުރިމަތިލައްވަން ތައްޔާރަށް ހުންނެވިކަން ރައީސް ޞާލިޙް މިއަދު އިއުލާން ކުރެއްވި ޚަބަރު ޓްވީޓް ކުރައްވަމުންނެވެ.
މިއަދު ކުރެއްވި ޓްވީޓްގައި އާދަމް ޝަރީފް ވިދާޅުވީ، ރައީސް ޔާމީނަކީ އުންމީދީ ކެނޑިޑޭޓެއް ކަމަށާއި ރައީސް ޞާލިޙް ބަލި ކުރެއްވުމަކީ ރައީސް ޔާމީނަށް ފަސޭހަފުޅު ކަމަކަށް ވާނެ ކަމަށެވެ. ސަބަބުތަކުގެ ގޮތުގައި އެ މަނިކުފާނު ދެކެވަޑައިގަންނަވާ ކަންކަން ހިއްސާ ކުރެއްވިއެވެ. މި ގޮތުން ވިދާޅުވީ ސަރުކާރު ސްލޯވުމާއި ކޮރަޕްޝަން ގިނަވުމާއި އަދި މަރުތަކަށް އިންސާފު ލިބިފައި ނުވުމަކީ ރައީސް ޞާލިޙް ބަލި ކުރެވޭނެ ސަބަބެއް ކަމަށެވެ. އަދި މަތިބަރު ސަރުކާރެއް އޮތުމާ އެކު ވެސް ހިދުމަތް ނުލިބުމަކީ ވެސް އޭގެ ސަބަބެއް ކަމަށް އޭނާ ވިދާޅުވިއެވެ.
އަންނަ ރިޔާސީ އިންތިޚާބުގައި ވާދަ ކުރެއްވުމާ މެދު ރައީސް ޔާމީން އަދި ވަކި ގޮތެއް ނުނިންމައެވެ. ނަމަވެސް ކުރިޔަށް އޮތް 2023ވަނަ އަހަރުގެ ރިޔާސީ އިންތިހާބުގައި ވާދަކުރައްވަން ތައްޔާރަށް ހުންނެވިކަމަށް ރައީސް އިބްރާހިމް މުހައްމަދު ޞާލިޙް ފުރަތަމަ ފަހަރަށް މިއަދު ވަނީ ވިދާޅުވެފައެވެ.
ޔާމީނު އެކައުންޓުގަ ހުރި ރައްޔިތުންގެ އެތައް މިލިޔަން ރުފިޔާއެއް މާލިއްޔާއާ ހަވާލުކޮށްފަ ތިވާހަކަ ދައްކާ.
މިގައުމުގަ ވެރިކަން ކުރަން ތިޔަ ޔާމީނު ނޫން މީހަކު ނެތީބާ