އައު މުވައްޒަފުން ނުނަގާ، ޕްރަމޯޝަން ވެސް ނުދީ ޚަރަދުކުރަން އަންގައިފި
ގިނަ ދާއިރާތަކަކުން ހަރަދު ކުޑަކުރަން ފިޔަވަޅުތަކެއް އަޅަން ފިނޭންސް މިނިސްޓްރީން ނިންމައިފިއެވެ.
ފިނޭންސް މިނިސްޓަރު އިބްރާހިމް އަމީރު ސޮއިކުރައްވައި ނެރުއްވި "މާލިއްޔަތާ ބެހޭ ސާކިއުލާ"އަކީ، ތެލާއި އެހެން ބައެއް ބާވަތްތަކުގެ އަގުތައް މައްޗަށް ދާތީ މި ވަގުތު ރާއްޖެއިން ވެސް ހަރަދުތައް ކުޑަކުރަން އިއުލާންކުރި ފުރަތަމަ ފިޔަވަޅުތަކެވެ.
އެ ސާކިއުލާގައި ބުނީ އަގުތައް އިންތިހާއަށް އުފުލިފައިވާތީވެ، ދައުލަތުގެ ހަރަދުތައް ދަނީ ކުރިން އަންދާޒާކުރި މިންވަރަށް މާ ބޮޑަށް އިތުރުވަމުން ކަމަށާއި އޭގެ ސަބަބުން ދައުލަތަށް ލިބޭނެ އާމްދަނީއާއި ކުރަން ޖެހޭ ހަރަދު ދިމާނުވެ، އިތުރު ގޮންޖެހުންތައް ކުރިމަތިވެދާނެ ކަމަށެވެ.
މީގެ ސަބަބުން ދައުލަތަށް ލިބޭ އާމްދަނީއާއި ފައިނޭންސިންގެ ތެރެއިން ހަރަދުތައް ހަމަޖެއްސުމަށް ލިބޭ ޖާގަ ވަރަށް ބޮޑަށް ހަނިވެފައިވާ ކަމަށް އެ ސާކިއުލާގައި ވެއެވެ.
"ދުނިޔޭގެ މާލީ ބާޒާރުގައި އިންޓްރެސްޓް ރޭޓު އުފުލެމުންދާ ދަނޑިވަޅެއްގައި ހަރަދުތައް އިތުރަށް ކޮންޓްރޯލް ނުކޮށް ޑެފިސިޓް އިތުރުވެގެންދާ ނަމަ މި ޑެފިސިޓް ފައިނޭންސް ކުރުމަށް ވެސް ދައުލަތުގެ ބަޖެޓުން އިތުރު ބުރައެއް އުފުލަން ޖެހޭނެއެވެ" އެ ސާކިއުލަރގައިވެއެވެ.
ހަރަދު ކުޑަކުރަން ނިންމި ދާއިރާތައް
- މުވައްޒަފުންނަށް ހިނގާ ހަރަދުތައް ކުޑަކުރުން: ދައުލަތުގެ ބަޖެޓުން އެއްވެސް އައު މަގާމެއް އަދި އައު އެލަވެންސް ދިނުން ފަދަ ކަމެއް ނުކުރުމަށާއި މުސާރައިގެ އޮނިގަނޑަށް ބަދަލު ނުގެނައުން އަދި އިތުރު ގަޑީގެ ފައިސާ ލިބޭ ގޮތްތައް މަދުކުރުން
- ރާއްޖެއިން ބޭރަށް ކުރާ ރަސްމީ ދަތުރުތަކުގެ ތެރެއިން ކޮންމެހެން ކުރަން ޖެހޭ ދަތުރުތައް ނޫން ދަތުރުތައް ނުކުރުން. ސްޓަޑީ ޓުއާއާއި ޓްރޭނިން ދަތުރުތައް ހުއްޓައިލުން އަދި ޑޮމެސްޓިކް ދަތުރުތައް ކުރުމަށް ކުރިއާލާ ފިނޭންސްގެ ހުއްދަ ހޯދުން.
- އޮފީސް ހިންގުމުގެ ބޭނުމަށް 5،000 ރުފިޔާއަށް ވުރެ އަގު ބޮޑު ތަކެތި ގަންނަން ފިނޭންސްގެ ހުއްދަ ހޯދުން
- އޮފީސް ހިންގަން ބޭނުންވާ ހިދުމަތްތަކުގެ ތެރެއިން އާ ހިދުމަތެއް ތާއާރަފްކުރާ ނަމަ، 5،000 ރުފިޔާއަށް ވުރެ އިތުރަށް ހަދަރުކުރަން ޖެހޭ ނަމަ ފިނޭންސްގެ ހުއްދަ ހޯދުން
- ތަމްރީންތަކަށް ކުރާ ހަރަދުތަކުގެ ތެރެއިން މި ވަގުތަށް އައު ސްކޮލަޝިޕްތައް ނުދިނުމާއި ތަމްރީން ޕްރޮގްރާމްތަކުގެ ތެރެއިން 5،000 ރުފިޔާއަށް ވުރެ އިތުރަށް ހިނގާ ޕްރޮގްރާމްތަކަށް މިނިސްޓްރީގެ ހުއްދަ ހޯދުން
- މަރާމާތުކުރުމާއި ބެލެހެއްޓުމުގެ ހަރަދުތަކުގެ ތެރެއިން، ކޮންމެހެން ކުރަން ޖެހޭ މަރާމާތެއް ނޫން މަސައްކަތް ނުކުރުން އަދި އެކަމަށް 5،000 ރުފިޔާއަށް ވުރެ ބޮޑު ހަރަދެއް ދާ ނަމަ، ފިނޭންސްގެ ހުއްދަ ހޯދުން
- ޕިއެސްއައިޕީގައި ހިމެނޭ ކެޕިޓަލް ހަރަދުތަކުގެ ތެރެއިން، 5،000 ރުފިޔާއަށް ވުރެ ބޮޑު ހަރަދެއް ނަމަ، ފިނޭންސްގެ ހުއްދަ ހޯދުން
މި ސާކިއުލާއަށް އަމަލުކުރަން ފަށާނީ މާދަމާއިން ފެށިގެންނެވެ. އެގޮތުން ކައުންސިލްތައް ފިޔަވައި ދައުލަތުގެ ހުރިހައި އޮފީހަކުން މި ސާކިއުލާއަށް އަމަލުކުރަން ވަނީ އަންގައިފައެވެ.
ރިބާ ލޯނު ނަގަމުންގޮސް ބަގުރޫޓް ވީމާ ކިރާނެ ކަމެއް ނޯނާނެތާ ރިބާގެ ގެއްލުން މިއަދު މިފެންނަނީ !
އެ ސާކިއުލާގައި ބުނީ އަގުތައް އިންތިހާއަށް އުފުލިފައިވާތީވެ، ދައުލަތުގެ ހަރަދުތައް ދަނީ ކުރިން އަދާޒާކުރި މިންވަރަށް މާ ބޮޑަށް އިތުރުވަމުން ކަމަށާއި އޭގެ ސަބަބުން ދައުލަތަށް ލިބޭނެ އާމްދަނީ އާއި ކުރަން ޖެހޭ ހަރަދު ދިމާނުވެ، އިތުރު ގޮންޖެހުންތައް ކުރިމަތިވެދާނެ ކަމަށެވެ. _____ އަޅެ ހަޔާތް ކުޑައެއްނޫންތަ؟ ދުނިޔޭގެ ބޮޑެތި މާލީ އިދާރާތަކުން ދިވެހިޤައުމުގެ ޙާލަތު ދިމާލަށް ދައްކަމުން ދޮވަމުންދިޔައިރު މިކަލޭގެފާނު އެކަމާ ދިމާ އިދިކޮޅަށް ނުވާނޭ ނުވާނެ ދިވެހިންނަކަށް ދައްޗެއް ނުވާނޭ ގޮވަގޮވާ އެހުރީ. މިހާރު ފުލުގައި އެހެރީ ރޯވެފައި. މީހަމަ ޖަލަށް ލާންވެފައިހުރި މިމިސްޓަރެއް
ކާނެވަރަކަށްް ކައިފަ ދައުލަތުގެ ހަޒާނާ ހުސްކޮއްފަ ، ހުރިހާ ގެއްލުމެއް ރައްޔިތުންނަށް.
ކުލިވަރައްކުރާހަރަދުވެސްއެބަޖެހޭކުޑަކުރަނ
ޢާމުވައްޒަފުން ނުނަގާ އިތުރުގަޑި ނުދީ އެކަމަކު އާ އޮފީސްތައް އުފައްދާ ސިޔާސީ ޕަޕެޓުންނަށް ވަޒީފާ ދޭން އަދިވެސް ރާވަނީ. ރަހްމަތްތެރި ރީކޯމެން ކަހަލަމީހުން ސަރުކާރަށް ދައްކަންޖެހޭ ފައިސާ ހޯދަބަލަ .ރައްޔިތުން ނުފެލާ މުދާ އަގުބޮޑުވީމަވެސް ރައްޔިތުން ދައްކަން ޖެހޭ ޓެކްސް ނޫންބާ ބޮޑުވާނީ
މިކަން މިހެން އޮތް އިރު އިހަކަށް ދުވަހު ޓީޗިރުންގެ މުސާރަ އެތައް ގުނަޔަކަށް ބުޑުކޮށްލީޔޯ….