މިއަދުގެ ހިނގި އެކްސިޑެންޓްގައި ޒަޚަމްވި އެކަކު ނިޔާވެއްޖެ
މިއަދު މާލޭގައި ހިނގި އެކްސިޑެންޓްގައި ޒަޚަމްވި މީހުންގެ ތެރެއިންގެ އެކަކު ނިޔާވެއްޖެއެވެ.
މިއަދު އެކްސިޑެންޓް ހިނގާފައިވަނީ ބަހަކާއި ކާރެއް ޖެހިއެވެ. އެކްސިޑެންޓްގައި ކާރުގައި ތިބި ހަ މީހަކަށް ސީރިޔަސް އަނިޔާތަކެއް ވަނީ ލިބިފައެވެ. އެއީ ހަތަރު ފިރިހެނުންނާިއ ދެ އަންހެނުންނެވެ.
އެކުވެނި ޓްރެކް ސަރަހައްދުގައި ކާރެއް ކޮންޓްރޯލް ނުވެގެން ގޮސް އެހެން ކާރެއްގައި ޖެހި އަދި އޭގެފަހުން ބަހެއްގައި ޖެހިގެން ހިނގި ނުރައްކާތެރި އެކްސިޑެންޓްގައި އުމުރުން 23 އަހަރުގެ އަމާނީ ނިޔާވީ ފަރުވާ ދެމުން ގެންދަނިކޮށެވެ. މަރިޔަމް އަމާނީ ރަޝީދަކީ ގއ.މާމެންދުއަށް ނިސްބަތްވާ ޒުވާނެކެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި، ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިފަދަ ހިތްދަތި ވަގުތެއްގައި ޢާއިލާއަށް ކެތްތެރިކަން ދެއްވާށިއެވެ!
އާމީން!
إِنَّا لِلّهِ وَإِنَّـا إِلَيْهِ رَاجِعُون
