ޓެކްސް ބޮޑުކުރުމަށް ފުުރުސަތު ދެވޭކަށް ނެތް، ސިޔާސީ ވަޒީފާތައް މަދުކުރޭ: އާޒިމް
މި ވަގުތުު ސިޔާސީ ވަޒީފާތައް މަދު ކުރުން މާ މުހިންމު ކަމަށް އެމްޑީޕީގެ ކުރީގެ ޕީޖީ ލީޑަރު، މެދުހެންވޭރު ދާއިރާގެ މެމްބަރު އަލީ އާޒިމް ވިދާޅުވެއްޖެއެވެ.
އާޒިމް މިހެން ވިދާޅުވެފައި ވަނީ، ސަރުކާރުގެ އާއްމުދަނީ އިތުރުކުރުމަށް ޓެކްސް އިތުރު ކުރުމަށް ސަރުކާރުން މަޝްވަރާ ކުރަމުންދާ ކަމަށް ރިޕޯޓްކޮށްފައިވާ އޮތް ޚަބަރެއް ރީޓްވީޓް ކުރައްވަމުންނެވެ.
އެކަމާ ގުޅިގެން އާޒިމް ކުރެއްވި ޓްވީޓެއްގައި ވިދާޅުވީ، ސަރުކާރުގެ ވިސްނުން އަދިވެސް ހުރީ ރައްޔިތުން އަތުން ފައިސާ އަތުލުމަށް ކަމަށާއި އެކަން ކުރަން މިވަގުތު ފުރުސަތު ދެވެން ނެތް ކަމަށެވެ. އަދި ސިޔާސީ ވަޒީފާތައް މަދުކޮށް، ކޮންކްރީޓަށް ކުރާ ހޭދަ މި ވަގުތައް މަޑުޖައްސާލުން މާ މުހިއްމު ކަމަށް އޭނާ ވިދާޅުވިއެވެ.
"ސިޔާސީ ވަޒީފާތައް މަދުކޮށް، ކޮންކްރީޓްއަށްކުރާ ހޭދަ މި ވަގުތައް މަޑުޖައްސާލުން މާ މުހިންމު. އަދިވެސް ވިސްނުން ތިޔަހުރީ ރައްޔިތުން އަތުން އަތުލުމަށް. ތިކަންކުރާކަށް މި ވަގުތު ފުރުސަތު ދެވޭކަށް ނެތް." އާޒިމް ވިދާޅުވިއެވެ.
ތިމާމެންގެ މުސާރަ ވެސް ކުޑަކުރަން ނުކެރިގެން ތިއުޅެނީޔޯ!!
މަރުޙަބާ އެމްޕީ ޢާޒިމް.
ޓެކްސް އެއްނޫން ބޮޑުކުރަންވީ، ސަރުކާރު ކުންފުނިތަކަށް ނަގާ މުވައްޒަފުން މަދުކުރަންވީ، އަދި އެމީހުން ގެޔަށް ގެންދާ ވަގު އޯޓީ ފައިސާ ކަނޑާލަންވީ