އެއް ޖިންސުން ގުޅުން ހިންގި ފަރާތްތަކަށް އިސްލާމީ ޝަރީއަތުގައި އޮންނަ އަދަބު ދޭން އަދާލަތުން ގޮވައިލައިފި

އެއް ޖިންސުން ގުޅުން ހިންގާ މީހުންނަށާއި، އެކަމުގައި ބައިވެރިވާ ހުރިހައި އެންމެނަށް އިސްލާމީ ޝަރީއަތުގައި އޮތް ގޮތަށް އަދަބު ދިނުމަށް، ސަރުކާރު ކޯލިޝަންގެ އެއް ޕާޓްނަރު އަދާލަތު ޕާޓީގެ އިލްމުވެރިންގެ މަޖިލިހުން ގޮވައިލައިފިއެވެ.

Ads by STELCO

އަދާލަތު ޕާޓީގެ އިލްމުވެރިންގެ މަޖިލިހުން ނެރުނު ނޫސްބަޔާނެއްގައި ވިދާޅުވެފައި ވަނީ ފާހިޝް އަމަލުތައް ހިންގާ މީހުންނާއި އެކަމުގައި ޝާމިލުވާ ފަރާތްތަކާއި މީސްތަކުންގެ މެދުގައި އެ ފަދަ އަމަލުތައް ހިންގާ ފަރާތްތައް ދެނެގަނެ، އެމީހުންގެ މައްޗަށް ޝަރީއަތް ހިންގާ، ދައުވާ ސާބިތުވާ ފަރާތްތަކާ މެދު އިސްލާމީ ޝަރީއަތުގައި ހައްގު އަދަބު ދިނުމަށް ކަމާބެހޭ މުއައްސަސާތަކަށް ގޮވައިލާ ކަމަށެވެ.

"އަދި މިކަމުގެ ތެރެއިން އިންސާނީ ވަގުފާރީގެ އަމަލުތައް ހިންގާ ފަރާތްތައް ދެނެގަނެ، އެ ފަރާތްތަކާ މެދު ވެސް އިސްލާމްދީނުގައި އައިސްފައިވާ ހައްގު ފިޔަވަޅު އެޅުމަށް ގޮވައިލަން. އަދި މާތް ﷲއަށް ބިރުވެތިވެ މިފަދަ މުޑުދާރު ފާހިޝް އަމަލުތަކުން ދުރުވެ ތިބުމަށް އެންމެހައި ދިވެހި ރައްޔިތުންނަށް ނަސޭހަތްތެރިވެ ވަސިއްޔަތްކުރަން." މީގެ އިތުރުން އެފަދަ ވީޑިއޯ އަދި ފޮޓޯތައް ފެތުރުމަކީ އިޖުތިމާއީ ފޭރާން ވީދި މީސްތަކުންގެ މެދުގައި މުންކަރާތްތައް އާއްމުވުމަށް މަގުފަހިވާނެ ކަމެއްކަން ކަށަވަރު ކަމަށް ވެސް އަދާލަތުގެ ބަޔާނުގައިވެއެވެ.

“މި ޒަމާނަކީ މަދަނީ އަދި އިންސާނީ ހައްގުގެ ނަމުގައި އެއްޖިއްސުން ގުޅުން ހިންގުމާއި ޖިންސު ބަދަލުކުރުމާއި އަދި މި ނޫން ވެސް އިންސާނާގެ ސަލަމާތް ބުއްދި ގަބޫލު ނުކުރާ ޣައިރު މަންތިޤީ ހުތުރު ވިސްނުންތައް މުޅި ދުނިޔޭގައި ފަތުރަން އިންތިހާއަށް މަސައްކަތްކުރާ ޒަމާނެއް،”