އެމްޑީޕީގެ ޗެއާޕާސަންގެ ނައިބުގެ މަގާމަށް ކުރިމަތިލުމަށް ހުޅުވާލައިފި
އެމްޑީޕީގެ ޗެއާޕާސަންގެ ނައިބުގެ މަގާމަށް ކުރިމަތިލުމަށް ފުރުސަތު ހުޅުވާލައިފިއެވެ.
އެމްޑީޕީން އިއްޔެ ކުރި އިއުލާނެއްގައި ބުނީ މިހާރު ހިނގަމުންދާ ދައުރުގެ އެ ޕާޓީގެ ޗެއާޕާސަންގެ ނައިބު އިދާރީ އަދި މާލީގެ މަގާމުގެ މުއްދަތު އޮކްޓޯބަރު މަހުގެ 25 ވަނަ ދުވަހު ހަމަވާނެ ކަމަށެވެ.
އެހެންކަމުން އެ މަޤާމުތަކަށް ކުރިމަތިލާން ބޭނުންވާ އެ ޕާޓީގެ މެންބަރުންނަށް ފުރުސަތު ހުލުވާލައިފައިވާ ކަމަށް އެމްޑީޕީގެ އިއުލާނުގައިވެއެވެ.
އެމްޑީޕީން ބުނީ ޗެއާޕާސަންގެ ނައިބު އިދާރީ އަދި މާލީގެ މަގާމަށް މީހުން އިންތިޚާބު ކުރުން އޮންނާނީ އޮގަސްޓު 19 ވާ ހުކުރު ދުވަހު ފެށޭ އެ ޕާޓީގެ ކޮންގްރެސްގައި ކަމަށާއި, އެ އިންތިޚާބުގައި ވޯޓުލެވޭނީ ކޮންގްރެސްގައި ބައިވެރިވާ ކޮންގްރެސްގެ ބައިވެރިންނަށް ކަމަށެވެ.
އެހެންކަމުން ހުށަހަޅަންޖެހޭ އެންމެހާ ލިޔެކިޔުންތަކާއެކު އޮންލައިން އެޕްލިކޭޝަން ފުރިހަމަ ކުރުމަށްފަހު މި މަހުގެ 25 ވަނަ ދުވަހުގެ މެންދުރު 12:00 ގެ ކުރިން ހުށަހެޅުމަށް އެމްޑީޕީން ވަނީ އެދިފައެވެ.
Ads by STO
