ޝިއާގެ މަރު: ރަނގަޅު ތަޙްޤީޤެއްކުރަން ނަޝީދު ގޮވާލައްވައިފި

ހޮނިހިރު ދުވަހުގެރޭ މާލޭގައި ރަޙްމުކުޑަ ގޮތަކަށް ޒުވާން އަންހެނަކު މަރައިލި މައްސަލައިގެ ފުރިހަމަ ތަޙްޤީޤެއްކުރުމަށް ރައްޔިތުން މަޖިލީހުގެ ރައީސް އަދި ކުރީގެ މުޙައްމަދު ނަޝީދު ގޮވާލައްވައިފިއެވެ.

Ads by STELCO

ހ.ޝީރީންވިލާގެ ނުވަވަނަ ފްލޯގައި އަނިޔާވެރި ގޮތަކަށް މަރާލައިފައި އޮއްވާ ފެނުނީ ޏ.ފުވައްމުލަކު، ކުރި، ޝިއާއު މުޙައްމަދު ސަޢީދެވެ.

ހާދިސާ ހިނގިތާ 24 ގަޑއިރުފަހުން ކުރެއްވި ޓުވީޓެއްގައި ނަޝީދު ވިދާޅުވީ މާލޭގައި ޒުވާން އަންހެނަކު އަނިޔާވެރިކޮށް މަރާލައިފައިވަނީ އެންމެންނަށް ސިހުން ލިބޭ މިންވަރަށް ކަމަށެވެ. އަދި އެ އަނިޔާވެރި ޢަމަލު ކުށްވެރިކުރާކަމަށް ވެސް ނަޝީދު ވިދާޅުވިއެވެ.

ނަޝީދުގެ ޓުވީޓުގައި ވަނީ އިތުރު މީހެއްގެ އިއުތިރާފު ބަޔާނަށް ބުރަނުވެ ރަނގަޅު ތަޙްޤީޤެއްކޮށް, އެކަން ކުރި މީހުންނަށް ޙައްޤު އަދަބު ދިނުމަށް ވެސް ގޮވައިލައްވާފައެވެ.

ޝިއާގެ މަރުގެ މައްސަލައިގައި މިހާތަނަށް ހައްޔަރުކުރީ އެންމެ މީހެކެވެ. ކުށުގެ ވެށިން ހައްޔަރުކުރީ ރާއްޖޭގެ އެއް ނަންބަރު ސްކޭޓާ ޢަލީ ޝާހިލްއެވެ.