ޑރ. އިޔާޒް އަލުން ވަޒީފާއަށް ނިކުންނަވައިފި
ރާއްޖޭގެ މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒް އަބްދުއްލަތީފް، އެމްއެންޔޫގައި އަދާކުރަމުންއައި ވަޒީފާއަށް އަލުން އަނބުރާ ނިކުންނަވަން ފަށައިފިއެވެ.
މޯލްޑިވްސް ނެޝަނަލް ޔުނިވަސިޓީ (އެމްއެންޔޫ)ގެ އެސިސްޓެންޓް ޕްރޮފެސަރެއްގެ މަގާމުގައި ހުންނަވަނިކޮށް ޑރ.އިޔާޒް ވަޒީފާއިން ވަކިކޮށްފައިވަނީ ރަނގަޅަށް ނޫން ކަމަށް ވަޒީފާއާ ބެހޭ ޓްރައިބިއުނަލުން ނިންމާފައެވެ.
ގައުމީ ޔުނިވާސިޓީގެ ފެކަލްޓީ އޮފް ޝަރީއާ އެންޑް ލޯގެ އެސިސްޓެންޓް ޕްރޮފެސަރު އަދި ސީނިއާ ލެކްޗަރާއެއްގައި މަގާމުގައި ހުންނަވަނިކޮށް ޑރ. އިޔާޒު ވަޒީފާއިން ވަކިކޮށްފައިވަނީ މިދިޔަ އަހަރު ޖޫން މަހު އެއްވަނަ ދުވަހުއެވެ. ވަޒީފާއިން ވަކިކޮށްފައިވަނީ އޭނާ ކުރެއްވި ޓްވީޓްތަކާއި ގުޅިގެން ޔުނިވާސިޓީގެ ތަސައްވުރަށް ގެއްލުން ލިބުނު ކަމަށް ބުނެއެވެ.
ޓްރިބިއުނަލް އިން ކުރި އަމުރުގައި ބުނެފައިވަނީ، އޭނާ މަގާމުން ވަކިކޮށްފައިވަނީ ގާނޫނާއި ގަވައިދުތަކާ ހިލާފަށް ކަމަށެވެ. އަދި ވަޒީފާ އަލުން އަނބުރާ އިޔާދަކޮށްދިނުމަށާއި ލިބެން ޖެހޭ މުސާރަ ދިނުމަށްވެސް ވަނީ އަމުރުކޮށްފައެވެ.
Ads by STO
