އުރީދޫގެ ހެލްތް ކިޓް އައްޑޫގެ ހެލްތް ސެންޓަރުތަަކަށް
އުރީދޫ މޯލްޑިވްސް އިން އައްޑޫ ސިޓީގެ ހެލްތު ސެންޓަރުތަކަށް ހެލްތް ކިޓް ހަދިޔާކޮށްފިއެވެ.
އުރީދޫން ހެލްތް ކިޓް ހަދިޔާކުރީ ފޭދޫ، މަރަދޫ، ހުޅުމީދޫ އަދި މަރަދޫފޭދޫ ހެލްތު ސެންޓަރަށެވެ. ހެލްތް ކިޓް ހަދިޔާކޮށްދެއްވީ އުރީދޫގެ މެނޭޖިން ޑިރެކްޓަރު އަދި ސީއީއޯ ހާލިދު ހަސަން އަލް-ހަމަދީއެވެ.
މިއީ ދުޅަހެޔޮ ދިރިއުޅުން ޕްރޮމޯޓްކޮށް ސިއްހީ ދާއިރާ ބިނާ ކުރުމުގައި އުރީދޫގެ އެއްބާރުލުން ދިނުމުގެ ގޮތުން ހިންގާ ހަރަކާތުގެ ތެރެއިން ހަދިޔާކުރި ހެލްތް ކިޓްތަކެކެވެ.
މި ކިޓް ތައްޔާރު ކޮށްފައި ވަނީ ސްޓެތެސްކޯޕް، ޑިޖިޓަލް ސްފިގްމާނޯމީޓަރ، ޕަލްސް އޮކްސިމީޓަރ، އޮޓޮސްކޯޕް، ޑިޖިޓަލް ތާމޯމީޓަރ އަދި ނެބިއުލައިޒަރ މެޝިން ފަދަ ސިއްހީ ފަރުވާއަށް އާންމުކޮށް ބޭނުންކުރާ މުހިއްމު އާލާތްތައް ހިމެނޭ ގޮތަަށެވެ.
ރާއްޖޭގެ އެކި ހިސާބުތަކުގައިވާ 167 ހެލްތް ސެންޓަރު އަދި ހެލްތް ޕޯސްޓް ތަަކަށް މި ކިޓްތައް ހަދިޔާ ކުރުމަށް އުރީދޫން ވަނީ ނިންމާފައެވެ.
