އަންނަ ރިޔާސީ އިންތިޚާބަށް 120 މިލިއަން ރުފިޔާގެ ބަޖެޓެއް
އަންނަ އަހަރު ބާއްވަން ހަމަޖެހިފައިވާ ރިޔާސީ އިންތިޚާބަށް 120 މިލިއަން ރުފިޔާގެ ބަޖެޓެއް ކަނޑަައަޅައިފިއެވެ.
އިލެކްޝަން ކޮމިޝަންގެ ރައީސް ފުއާދު ތައުފީޤު ވިދާޅުވީ އަންނަ އަހަރު އޮންނަ ރިޔާސީ އިންތިޚާބުގައި ދެ ބުރެއް އޮވެދާނެކަމަށް ލަފާކޮށް 120 މިލިއަން ރުފިޔާގެ ބަޖެޓެއް ކަނޑަައަޅައިފައިވާ ކަމަށެވެ.
120 މިލިއަން ރުފިޔާގެ ބަޖެޓެއް ކަނޑަައެޅީ, ފުރަތަމަ ބުރަށް 95 މިލިއަން ރުފިޔާ އަދި ދެވަނަ ބުރެއް ބާއްވަން ޖެހިއްޖެ ހާލަތެއްގައި ދެވަނަ ބުރަށް 25 މިލިއަން ޚަރަދުވާނެކަމަށް ލަފާކޮށްފައެވެ.
ރިޔާސީ އިންތިޚާބު ބާއްވަނީ ފަސް އަހަރުން އެއް އަހަރުއެވެ. 2023 ގައި ބާއްވަން ހަމަޖެހިފައިވާ ރިޔާސީ އިންތިޚާބު ބާއްވާނެ ތާރީޚެއް އީސީން އަދި އިއުލާނެއް ނުކުރެއެވެ.
ރިޔާސީ އިންތިޚާބު ބާއްވަން އެންމެ ބޮޑު ޚަރަދެއް ހިނގަނީ ވޯޓު ކަރުދާސް ޕްރިންޓުކުރުމަށާއި, ވޯޓު ފޮށިތައް ރަށްރަށަށް ފޮނުވުންފަދަ ކަންކަމަށެވެ.
ފުއާދު ތައުފީޤް ޖީބަށް ލާން ހޯދާ ފައިސާ ކޮޅެއްތޯ ؟