ސްޓެލްކޯއިން އިތުރު 14 ރަށެއްގެ މަގުބައްތި ބެލެހެއްޓުމުގެ މަސައްކަތާ ހަވާލުވެއްޖެ
ސްޓެލްކޯއިން ދެ އަތޮޅެއްގެ 14 ރަށެއްގެ މަގުބައްތި ބެލެހެއްޓުމުގެ މަސައްކަތާ ހަވާލުވެއްޖެއެވެ.
އެ ރަށްތަކުގެ ކައުންސިލުތަކާއެކު ސްޓެލްއިން އިއްޔެ ވަނީ އެ މަސައްކަތާ ހަވާލުވުމުގެ އެމްއޯޔޫގައި ސޮއިކޮށްފައެވެ.
އޭގެތެރޭގައި ހިމެނެނީ އއ.އަތޮޅުގެ ފަސް ރަށާއި, އދ.އަތޮޅުގެ ނުވަ ރަށެވެ.
އއ.އަތޮޅުގެ ރަށްތަކުގެ ތެރޭގައި ހިމެނެނީ މަތިވެރިއާއި, ބޮޑުފޮޅަދުއާއި, ފެރިދުއާއި, މާޅޮހާއި, ހިމަންދުއެވެ.
އދ.އަތޮޅުގެ ރަށްތަކުގެ ތެރޭގައި ހިމެނެނީ ހަންޏާމީދުއާއި, އޮމަދުއާއި, ކުނބުރުދޫއާއި, މަހިބަދޫއާއި, މަންދުއާއި, ދިގުރަށާއި, ދަނގެއްޗާއި, ދިއްދުއާއި ފެންފުށްޓެވެ.
ސްޓެލްކޯއިން މިދިޔަ މަހުގެ 29 ވަނަ ދުވަހުވެސް ވަނީ އއ.އަތޮޅުގެ ތިން ރަށެއްގެ މަގު ބައްތިތައް މަރާމާތުކޮށް ބެލެހެއްޓުމުގެ މަސައްކަތާ ހަވާލުވެ އެ ރަށްތަކުގެ ކައުންސިލުތަކާއެކު އެމްއޯޔޫގައި ސޮއިކޮށްފައެވެ.
އެ ތިން ރަށަކީ ރަސްދުއާއި, ތޮއްޑުއާއި, އުކުޅަހެވެ.
