ފިހިގަނޑަކުން ކުއްޖަކަށް އަނިޔާކުރި މައްސަލައެއްގައި އަންހެނެއްގެ މައްޗަށް އުފުލި ދަޢުވާ ސާބިތެއްނުވި

ކުޑަ ކުއްޖަކަށް އަނިޔާކުރިކަމުގެ ތުހުމަތުގައި އަންހެނެއްގެ މައްޗަށް ކުރި ދަޢުވާ ސާބިތުނުވާކަމަށް ކްރިމިނަލް ކޯޓުން ޙުކުމްކޮށްފިއެވެ.

Ads by Hajj Corporation

މި މައްސަލައަކީ 2018 ވަނަ ދުވަހުގެ މާރިޗު 27 ވަނަ ދުވަހުގެ ރޭގެ ވަގުތެއްގައި އަންހެނަކު އޭނާ ދިރިއުޅުނު ގޭގައި ކުއްޖަކު ފެންވަރަން އުޅެނިކޮށް, ފިހިގަނޑަކުން ކުއްޖާގެ ގައިގައި ތަޅައި އަނިޔާކޮށްފައިވާތީއާއި އޭގެ ސަބަބުން ކުއްޖާއަށް އަނިޔާވެފައިވާކަމަށް ބުނާ މައްސަލައެކެވެ.

އެ ގޮތުން އަންހެން މީހާގެ މައްޗަށް ދައުލަތުން އުފުލީ ގައިގާ އަތްލުމުގެ ކުށުގެ ދަޢުވާއެވެ.

ކްރިމިނަލް ކޯޓުން ބުނީ އޭނާގެ މައްޗަށް ދައުލަތުން އުފުލި ދަޢުވާ, ޤާނޫނުއަސާސީގެ 51 ވަނަ މާއްދާގެ (އ) ގައި ބަޔާންކުރާ އެކަށީގެންވާ ޝައްކެއްނެތް މިންވަރަށް ޝަރީޢަތަށް ސާބިތުނުވާ ކަމަށް ޙުކުމްކުރެވިފައިވާ ކަމަށެވެ.