އިމްރާން ޚާންއަށް ބޭރުގެ އެހީތެރިކަން ލިބޭ ކަމުގެ ތުހުމަތު

ޕާކިސްތާންގެ ކުރީގެ ބޮޑުވަޒީރު އިމްރާން ޚާންގެ މައްޗަށް ބޭރު ޤައުމުތަކުން ފަންޑުތައް ލިބުނު ކަމުގެ ތުހުމަތުތަކެއް ކުރެވިއްޖެއެވެ.

Ads by Sosun Fihaara

ދަ ފެޑެރަލް އިންވެސްޓިގޭޝަން އެޖެންސީން ވަނީ އިމްރާން ޚާންގެ އިތުރުން އޭނާގެ ޕާޓީގެ އިސްވެރިންގެ މައްޗަށް ވެސް އެ ތުހުމަތުތައް ކޮށް، ކޯޓަށް މައްސަލަ ވަނީ ހުށަހަޅާފައެވެ.

އެގޮތުން އިސްލާމާބާދްއަށް މައްސަލަ ހުށަހަޅާފައިވާއިރު ރިޕޯޓްގައިވާގޮތުން ވޫޓޮން ކްރިކެޓް ލިމިޑަޓްގެ ވެރިޔާ އާރިފް މަސްދޫގް ނަގްވީ ވަނީ "ތެހްރީކް އެ އިންސާފް" ޕާޓީގެ ނަމުގައި ބޭންކުގައި ރަޖިސްޓްރީކޮށްފައިވާ އެކައުންޓަކަށް ފައިސާ ޖަމާކޮށްފައެވެ.

މިދިޔަ މަހު އެ ޤައުމުގެ އިލެކްޝަންސް ކޮމިޝަނުން ވަނީ އިމްރާން ޚާންގެ ޕާޓީއަށް ފަންޑު ލިބިފައިވާ ކަމަށް ވެސް ބުނެފައެވެ.