ބެއިޖިންއަށް ޗިޕް ވިއްކުން މަނާކުރަނީ
ބައިޑަންގެ ސަރުކާރުން ރާވާފައި ވަނީ ޗައިނާއަށް އެމެރިކާއިން އުދައްދާ ޗިޕް އެތެރެ ކުރުން މަނާކޮށް، ހަރުކަށި ފިޔަވަޅުތަކެއް ތައާރަފު ކުރުމަށެވެ.
މި ފިޔަވަޅުތަކުގެ ސަބަބުން ޗައިނާގެ ޗިޕް ބޭނުންކޮށްގެން، ކުރިއަރަމުން އަންނަ ސުޕް ކޮމްޕިއުޓިންއަށް އަސަރުކުރާނެ ކަމަށާއި މިއީ ޗައިނާގެ އަސްކަރީ ކުރިއެރުމަށް ނުހަނު ބޭނުންތެރި ފިޔަވަޅުތަކެއް ކަމަށެވެ.
ނިއުކްލިއަރ ހަތިޔާރާއި، އެންކްރިޕްޝަން ޓެކްނޮލޮޖީއާއި، މިސައިލް ޑިފެންސް އަދި އެނޫންވެސް ނިޒާމުތައް ތަރައްޤީކުރުމަށް ސުޕަރކޮމްޕިއުޓިންގ އަކީ ބޭނުންތެރި ކަމެކެވެ. މިއީ ޗައިނާގެ އަސްކަރީ ޓެކްނޮލޮޖީ ތަރައްގީ ކުރުން ލިމިޓް ކުރުމަށް އެމެރިކާ ސަރުކާރުން ކުރާ މަސައްކަތަކަށް ވެދާނެ ކަމަށް މަޝްރަޙް ދިރާސާ ކުރާ ފަރާތްތަކުން ހާމަކުރެއެވެ.
ވޮޝިންޓަން ޕޯސްޓާއި ނިއުޔޯކް ޓައިމްސްއިން ރިޕޯޓުކޮށްފައިވާ ގޮތުގައި މި ހަފްތާގެ ކުރީކޮޅު އިޢްލާން ކުރާ މި އުސޫލަކީ، ޗައިނާގެ ޓެކް ކުންފުނި ހުއާވޭއަށް ކުރިން އަޅާފައިވާ ހަރުކަށި އެކްސްޕޯޓް ކޮންޓްރޯލުތަކަށްވުރެ ފުޅާ ދާއިރާއެއްގައި އަޅާ ފިޔަވަޅުތަކެކެވެ.
މިކަމާ ބެހޭ ގޮތުން މައުލޫމާތު އެނގޭ މީހުންނާ ހަވާލާދީ ވޮޝިންޓަން ޕޯސްޓުން ބުނީ ދުނިޔޭގެ ކޮންމެ ތަނެއްގައި ހުރި ކުންފުނިޏަކުން ވެސް، އެމެރިކާ ސަރުކާރުގެ ހުއްދައަކާ، ޗިޕުން ހަދާ އާލާތްތައް ޗައިނާއަށް އިންޕޯޓް ކުރާ ފަރާތްތަކަށް ފިޔަވަޅު އަޅާނެއެވެ. އަދި އެމެރިކާގެ އުފެއްދުމެއްގައި ޗިޕް ބޭނުންކޮށްފިނަމަ އެ އާލާތެއް ޗައިނާއަށް ގެންދިއުން މަނާ ވެގެންދާނެއެވެ. މީގެ އިތުރުން ޗައިނާއަށް ޗިޕް އެކްސްޕޯޓް ކުރުން ވެސް މަނާ ކުރާނެއެވެ.
