ރައީސް ޞާލިޙަށް ދެވަނަ ދައުރެއް ދޭން ތާއީދު: ޖާބިރު
ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ދޭން ތާއީދުކުރައްވާ ކަމަށް ކާށިދޫ ދާއިރާގެ މެމްބަރު އަދި ޑީއާރްޕީގެ ލީޑަރު އަބްދުﷲ ޖާބިރު ވިދާޅުވެއްޖެއެވެ.
ޖާބިރު މިފަދައިން ވިދާޅުވީ ދަނޑުވެރިންގެ ދުވަހާއި ދުނިޔޭގެ ކާބޯތަކެތީގެ ދުވަސް ފާހަގަކުރެއްވުމަށް ރައީސުލްޖުމުހޫރިއްޔާ އިބްރާހިމް މުހައްމަދު ޞާލިޙްއާއެކު ކާށިދޫގައި ބޭއްވި ޖަލްސާގައި ވާހަކަދައްކަވަމުންނެވެ.
ޖާބިރު ވިދާޅުވީ އަންނަ އަހަރު ބާއްވާ ރިޔާސީ އިންތިހާބުގައި ވޯޓު ދެއްވާނީ ރައީސް ޞާލިޙަށް ކަމަށާއި އަދި އެއް ފަސް އަހަރު ރައީސް ޞާލިޙަށް ދޭން ޖެހޭ ކަމަށެވެ.
“ރައީސުލްޖުމްހޫރިއްޔާ އަށް މި އަންނަ ފަހަރު އަޅުގަނޑު ވޯޓުލާން ނިންމާ އެކަން ނިމިއްޖެއޭ އަޅުގަނޑު މި ދަންނަވަނީ." ޖާބިރު ވިދާޅުވިއެވެ.
މި އަހަރުގެ ދަނޑުވެރިންގެ ދުވަހާއި ދުނިޔޭގެ ކާބޯތަކެތީގެ ދުވަސް ރަސްމީގޮތުން ފާހަގަ ކުރުމަށް ރައީސް އެ ރަށަށް ވަޑައިގެންނެވިއިރު މަރުހަބާ ވިދާޅުވުމަށް އެންމެ އިސްކޮށް ހުންނެވީވެސް ޖާބިރުއެވެ.
Ads by STO
