ރައީސް ޔާމީން ދައްކަވަނީ ކުޑަކުދިން ދައްކާ ކަހަލަ ބޯ ހަމަނުޖެހޭ ވާހަކަ: އިމްރާން
ކުރީގެ ރައީސް ޔާމީން ޢަބްދުލްޤައްޔޫމް ދައްކަވަނީ ކުޑަކުދިން ދައްކާ ކަހަލަ ބޯ ހަމަނުޖެހޭ ވާހަކަ ކަމަށް ޢަދާލަތު ޕާޓީގެ ރައީސް ހޯމް މިނިސްޓަރު ޝައިޚް އިމްރާން ވިދާޅުވެއްޖެއެވެ.
އިމްރާން އެހެން ވިދާޅުވީ ޕީޕީއެމްއިން ބާރަށުގައި އިއްޔެ ބޭއްވި ޖަލްސާގައި ރައީސް ޔާމީން ދެއްކެވި ވާހަކަފުޅަކާ ގުޅިގެންނެވެ.
ރައީސް ޔާމީން ދެއްކެވި ވާހަކަފުޅުގައި ވަނީ ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު އެ މަނިކުފާނުގެ ޝަރީޢަތް ކުރިއަށްދާ ގޮތް ބައްލަވަނީ ކީއްކުރައްވަންތޯ ސުވާލު ކުރައްވައިފައެވެ.
''ދެން ހަމަ އަދާލަތު ޕާޓީއާ އަޅުގަނޑު މިއަދު ސުވާލުކޮށްލަން ބޭނުންވޭ. ޢަދާލަތު ޕާޓީގެ ދިންނެވުމާއި ފުއްސެވުމާއި މި ހުރިހާ ކަމެއް އެކުލެވިގެންވާ ޕާޓީއަކަށްވާއިރު އެ ތަނުގެ ޢަލީ ޒާހިރު ކީއްވެހޭ ރައީސް ޔާމީންގެ ޝަރީޢަތް ކުރިއަށްދާއިރު އެކަން ހިނގާ ގޮތް ބަލާލަނީއޭ ވިދާޅުވަނީ. ކީއްވެހޭ އޭނައަށް އެކަން ހިނގާ ގޮތް ބަލައިލަން ޖެހިގެން އުޅެނީ. ކީއްވެގެންތޯ ރައީސް އޮފީހުން ރައީސް އޮފީހުގެ ސްޓޭޓް މިނިސްޓަރު މިކަމާ ބެހެންވީ.'' ރައީސް ޔާމީން ވިދާޅުވިއެވެ.
އެ ގޮތުން ޢަލީ ޒާހިރުގެ ދިފާޢުގައި އިމްރާން ކުރެއްވި ޓްވީޓެއްގައި ވިދާޅުވީ ރާއްޖޭގެ ރައީސްކަން ކުރެއްވި ބޭފުޅަކު ކުޑަކުދިން ދައްކާ ކަހަލަ ބޯ ހަމަނުޖެހޭ ވާހަކަ ދައްކަވާތީ ހަމަ ހައިރާންވެވަޑައިގަންނަވާ ކަމަށެވެ.
އިމްރާން މިހެން ވިދާޅުވި ނަމަވެސް, ޢަލީ ޒާހިރު ފަނޑިޔާރުންނަށް ގުޅުއްވައި ނުފޫޒު ފޯރުއްވަވާކަމަށް ބައެއް ފަނޑިޔާރުން މީގެ ކުރިން ވަނީ ވިދާޅުވެފައެވެ.
އިމުރާނުހިމެނޭހެން ޔާމީނުކުޑަކުއްޖަކަންހަދާގެންނޫތަ ހިތައްނުވެސްކުންތަށްހިތަށްއާހާއެއްޗެއްލާގެން ކުންވެރިކުރަންއުޅެނީ އެހެންވީމާ ހީވާނީހައްތާވެސްއެއީ ކުޑަކުއްޖެއްދައްވާހަކައޭ ނޫތަ
މުޅިމި ރާއްޖޭގައި ވެސް ބޯހަމަޖެހޭ މީހަކައް ހުރީ ދޮގާމަކަރުގެ ރެކޯޑު ހަދާފާހުރި އަނިޔާވެރި ޔާ އެމީހަކީ ތި އިމްރާނު ތީ މުޅި މިގައުމައް ޖެހު ބަލާ ތަކުގެ ތެރެއިން އެއް ބަލާވެރިކަން އައްލާހު ތައާލާގެ ރަހުމަތުން މިމުސީބާތުން މިންޖު ކައްވާ ދޭވެ އާމީން
ތިހުރީ ބޯހަމަޖެހިފަ ދޮގެންހެދޭތޯ ބަލާބަލަ