7 ރިސޯޓަކުން 6 ފަތުރުވެރިންނާއި 9 މުވައްޒަފުން ކޮވިޑަށް ފައްސިވެފައިވޭ: އެޗްޕީއޭ
ކޮވިޑް-19 އަށް ފައްސިވި މީހުންގެ ތެރޭގައި 7 ރިސޯޓަކުން 6 ފަތުރުވެރިންނާއި 9 މުވައްޒަފުން ހިމެނޭކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އެޗްޕީއޭއިން ބުނީ މާލެ ސަރަޙައްދު ފިޔަވައި ރާއްޖޭގެ މީހުން ދިރިއުޅޭ ރަށްރަށުގެ ތެރެއިން 12 ރަށަކުން ކޮވިޑް ފެނިފައިވާ ކަމަށެވެ.
އެ ރަށްތަކަކީ ހއ. ކެލާ، ހދ. ނައިވަދޫ، ބ. ކުޑަރިކިލު، ރ. އިނގުރައިދޫ، ޅ. ހިންނަވަރު، ކ. މާފުށި، ވ. ފުލިދޫ، ފުވައްމުލައް ސިޓީ، ހއ. އިހަވަންދޫ، ބ. ކަމަދޫ، ރ. ހުޅުދުއްފާރު އަދި ހއ. ފިއްލަދޫ އެވެ.
ރާއްޖެއިން މިއަދު އިތުރު 89 މީހަކު ކޮވިޑް-19 އަށް ފައްސިވެފައިވާއިރު، ޖުމްލަ ފައްސިވީ މީހުންގެ އަދަދު ވަނީ 4769 އަށް އަރާފައެވެ. މީގެތެރެއިން ފަރުވާ ދެމުން އަންނަނީ 1996 މީހުންނަށެވެ.
ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 19 މީހެކެވެ. އޭގެ ތެރޭގައި ހިމެނެނީ 13 ދިވެހީންނާއި، ހަ ބިދޭސީންނެވެ.
Ads by STO
