އިމްރާން ޚާންގެ ސިޓީފުޅެއް ރައީސް އާރިފަށް
ޕާކިސްތާނުގެ ބާރުގަދަ އިންޓެލިޖެންސް އެޖެންސީން ބޭއްވި ނިއުސް ކޮންފަރެންސްގެ ތަހުގީގެއް ފެށުމަށް ކުރީގެ ބޮޑުވަޒީރު އިމްރާން ޚާން ރައީސް އާރިފް އަލްވީގެ އަރިހުން އެދިވަޑައިގެންފި އެވެ.
އިމްރާން ރައީސަށް ފޮނުއްވި ސިޓީގައި ވަނީ މިދިޔަ މަހު އިންޓަ ސާވިސަސް އިންޓެލިޖެންސް (އައިއެސްއައި) ގެ ޗީފް ލެފްޓިނެންޓް ޖެނެރަލް ނަދީމް އަންޖުމް ބޭއްވި ހަރަކާތަށް އިޝާރާތް ކުރައްވައެވެ.
ޕާކިސްތާނު ތަހްރީކޭ އިންސާފް (ޕީޓީއައި) ޕާޓީގެ ވެރިޔާ އިމްރާން ވަނީ އަސްކަރިއްޔާގެ އިސް ދެ ބޭފުޅުން ސިޔާސީ ޕާޓީއެއްގެ ލީޑަރަކަށް އަމާޒުކޮށް، ސިޔާސީ ވާހަކަ ދެއްކޭނީ ކޮން ހަމައަކުންތޯ ސުވާލު ކުރައްވާފައެވެ.
އިމްރާން ޚާން އިޝާރާތް ކުރައްވާ. އޮކްޓޯބަރު މަހުގެ 27 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި އަންޖުމްގެ އަރިހުގައި އަސްކަރިއްޔާގެ މީޑިއާ ވިންގް، އިންޓަ ސާވިސަސް ޕަބްލިކް ރިލޭޝަންސް (އައިއެސްޕީއާރު)ގެ ވެރިޔާ ލެފްޓިނެންޓް ޖެނެރަލް ބާބަރު އިފްތިހާރު ބައިވެރިވެވަޑައިގެންނެވިއެވެ.
މިދިޔަ ހަފުތާގައި ޕަންޖާބުގެ އިރުމަތީ ޕްރޮވިންސްގެ ވަޒީރާބާދުގައި ބޭއްވި މުޒާހަރާގެ ތެރެއިން އަވަހާރަކޮށްލަން އުޅުމުގެ ތެރޭގައި އޭނާގެ ފައިގައި ވަނީ ޒަހަމްވެފައެވެ. މިދިޔަ އާދީއްތަ ދުވަހު ހޮސްޕިޓަލުން ދޫކޮށްލުމަށްފަހު އިމްރާން މިހާރު އަންނަނީ ލާހޯރުގެ އޭނާ ގޭގައި ފަރުވާ އަރާމު ކުރައްވަމުންނެވެ.
"ބާރުގެ ބޭނުން ނަހަމަ ގޮތުގައި ހިފުމާއި ގާނޫނުތަކާއި ގާނޫނު އަސާސީއާ ހިލާފު އަމަލުތައް ހުއްޓުވުމަށް މިހާރުން މިހާރަށް ފިޔަވަޅު އެޅުއްވުމަށް އަޅުގަނޑު އިލްތިމާސް ކުރަން،" އިންޓެލްގެ ދައުރު ރައީސުލްޖުމްހޫރިއްޔާ ކަނޑައެޅުމަށް ވެސް އޭނާ ވަނީ އެދިވަޑައިގެންފައެވެ.
އިމްރާންގެ ތުހުމަތުތަކަށް ތާއީދުކުރާނެ އެއްވެސް ހެއްކެއް އިމްރާން ދެއްވާފައެއް ނުވެއެވެ.
ސިފައިންގެ އެންމެ މަތީ ކޮމާންޑަރުގެ މަގާމުގައި ހުންނެވި ރައީސަށް ފޮނުވި ސިޓީއަށް މިހާތަނަށް އެއްވެސް ޖަވާބެއް ލިބިފައެއް ނުވެއެވެ.
ކެންޔާގައި ޕާކިސްތާނުގެ ނޫސްވެރިޔާ އަރުޝަދު ޝަރީފް އަވަހާރަކޮށްލުމާ ގުޅޭ ގޮތުން ދެ އަސްކަރީ އޮފިޝަލުން ނޫސްވެރިންނާ ވާހަކަ ދައްކައި، އިމްރާން އަސްކަރީ މުއައްސަސާއާ ދެކޮޅަށް ކުރެއްވި ތުހުމަތުތަކަށް ރައްދު ދެއްވިއެވެ.
ޕީޓީއައިގެ ޗީފް ވަނީ އިންޓެލިޖެންސްގެ އިސް އޮފިޝަލް މޭޖާ ޖެނެރަލް ފައިސަލް ނަސީރާއި ބޮޑުވަޒީރު ޝަހްބާޒް ޝަރީފާއި ދާޚިލީ ވަޒީރު ރަނާ ސަނާއުالله، ނޫސްވެރިޔާ އަރުޝަދު އަވަހާރަކޮށްލުމުގެ ރޭވުމުގައި ބައިވެރިވި ކަމަށް ބުނެ އެ މީހުން މަގާމުން ވަކިކުރުމަށް ގޮވާލާފައެވެ.
Ads by STO
