ސ. ފޭދޫގައި ހޯމް ކަރަންޓީނުގައި ހުރި މީހަކު ފައްސި ވެއްޖެ

އައްޑޫ ސިޓީ ފޭދޫ ހޯމް ކަރަންޓީނުގައި ހުރި މީހަކު ކޮވިޑް-19 އަށް ފައްސި ވެއްޖެއެވެ.

Ads by STELCO

އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) ގެ މެނޭޖަރު ޝަރަފުއް ސާދާތުއާ ހަވާލާދީ "އައްޑޫ އޮންލައިން" އިން ރިޕޯޓު ކޮށްފައިވާ ގޮތުގައި އެމީހާ އަކީ މި މަހުގެ ހަވަނަ ދުވަހު އައްޑޫ އަށް އައި މީހެއް ކަމަށެވެ.

އެގޮތުން ކޮވިޑް-19 އަށް ފައްސިވެފައި ފުލުހެއް ކަމަށް ވެސް މައުލޫމާތު ލިބެއެވެ.

އެކޭސް އާ ގުޅިގެން ކުރަމުންދާއިރު ކޮންޓެކްޓު ޓްރޭސިންގެ ތެރެއިން މިހާތަނަށް ހަ ފުލުހަކު ފާހަގަ ކުރެވިފައިވާ ކަަމަށް މައުލޫމާތު ލިބެއެވެ.

ރާއްޖޭގައި މިވަގުތު ކޮވިޑްގެ ކޭސް 12 ރަށަކުން ފެނިފައި ވެއެވެ. އެއީ ހއ. ކެލާ، ހއ. އިހަވަންދޫ، ހއ. ފިއްލަދޫ، ހދ. ނާވައިދޫ، ބ، ކުޑަރިކިލު، ބ.ކަމަދޫ، ރ. އިނގުރައިދޫ، ރ. ހުޅުދުއްފާރު، ޅ.ހިންނަވަރު، ކ. މާފުށި، ވ.ފުލިދޫ އަދި ޏ.ފުވައްމުލަކު ސިޓީއެވެ.