ބޭނި މަސްކޮޅަށް ފައިސާ ހޯދަން ދިޔަ މަސްވެރިންނަށް ލިބުނީ ޕެޕާ ސްޕްރޭ: ޝުޖާޢު

މަސްވެރިން ބާނާ މަހަށް ފައިސާ ހޯދަން ދިޔުމުން، މަސްވެރިންނަށް މި ދައުރުގައި ލިބުނީ ޕެޕާ ސްޕްރޭކަމަށް ޕީއެންސީގެ ނައިބު ރައީސް އިބްރާހިމް ޝުޖާޢު ވިދާޅުވެއްޖެއެވެ.

Ads by Hajj Corporation

މަސްވެރިންގެ ޖީބަށް ޑޮލަރު ލިބޭނެ ގޮތް ހަމަޖައްސައި ދޭން މި ސަރުކާރުން ވަޢުދުވެފައިވާކަން ފާހަގަކުރައްވައި ޝުޖާޢު މިއަދު ކުރެއްވި ޓުވީޓެއްގައި ވިދާޅުވީ މަސްވެރިން ބާނާ މަސްކޮޅަށް ފައިސާ ހޯދަން ދިޔުމުން ބަދަލުގައި ލިބުނީ ޕެޕާ ސްޕްރޭ ކަމަށެވެ.

ޝުޖާޢު މިހެން ވިދާޅުވީ މަސްވެރިން ބާނާ މަހަށް ފައިސާ ނުދޭތީ އެތައް ދުވަހެއްވެފައިވާތީ ލ.އަތޮޅާއި ތ.އަތޮޅުގެ މަސްވެރިން ލ.މާންދޫގައި ކުރި މުޒާހަރާގެ ތެރެއިން ފުލުހުން މަސްވެރިންގެ ލޮލަށް ޕެޕާ ސްޕްރޭ ޖަހާ މަންޒަރު ފެންނަ ފޮޓޯއެއް ހިއްސާ ކުރައްވައި ކުރެއްވި ޓުވީޓެއްގައެވެ.

މި ފޮޓޯ ލައިގެން މި ޓްވީޓް ކުރީ ފުން އަސަރު ކޮށްގެން. މަސްވެރިންގެ އިހްސާސްތައް ދަންނާތީ. ނިއްޓުމެން، ކިންގުމެންގެ އިހްސާސްތައް އަޑު އެހި ޕާޓީގެ މީހަކަށް ވާތީ. މީ ހާދަ ލާނެއް ސަރުކާރެކޭ.ސުބުހާނަالله. ރައްޔިތުންނޭ ހެޔޮނުވާނެ ރައީސް ‎ޔާމީނާ މި ޤައުމު ހަވާލުކޮށްދެއްވާ.

ޝުޖާޢު ވިދާޅުވީ 2023 ގައި އުފެދިގެންދާ ރައީސް ޔާމީންގެ ވެރިކަމުގައި މަސްވެރިންގެ ލޮލަށް ޕެޕާ ސްޕްރޭ ނުޖަހާނެ ކަމަށާއި ރައީސް ޔާމީންގެ ފިޝަރީޒް މިނިސްޓަރު މަސްވެރިންނާއެކު ބިޒީވާނެ ކަމަށެވެ.

އަދި މަސްވެރިންނަށް ފިއްލައިގެން މިނިސްޓަރަށް ނޫޅުއްވެވޭނެ ކަމަށާއި ބާނާ މަސްކޮޅަށް ފައިސާ ދޭނެ ކަމަށާއި އައިސް ބޯކޮށް ލިބޭނެކަމަށް ވެސް ޝުޖާއު ވިދާޅުވިއެވެ.